Neapolda son 40 ilin ən güclü zəlzələsindən sonra vulkan püskürməsi riski artır

Son 40 ilin ən güclü zəlzələsindən sonra İtaliyanın Neapol şəhəri yaxınlığındakı vulkanik ərazidə püskürmə riski ilə bağlı narahatlıqlar artır.

Sonxeber.az xəbər verir ki, bu barədə İtaliyanın Milli Geofizika və Vulkanologiya İnstitutunun (INGV) rəhbəri Karlo Doglioni məlumat yayıb.

Qədim vulkanik kraterlərdən ibarət olan Campi Flegrei-də seysmik aktivlik son bir ildə və xüsusilə də son aylarda güclənib.

Bölgədə 80-dən çox təkan baş verib ki, onlardan ən böyüyü 4,2 bal gücündə olub.

"Seysmik aktivliyin yalnız son aylarda artdığını nəzərə alsaq, hazırda bir nəticəyə gələ bilmərik.Biz vəziyyəti izləyirik, amma bunun necə inkişaf edəcəyini bilmirik. Partlayış olarsa, bunun nə vaxt və harada baş verə biləcəyini bilmirik. Nə qədər kiçik olsa da, sosial narazılığa səbəb olur",- deyə o bildirib.

Çərşənbə günü Romada hiss edilən zəlzələ insanların evlərini tərk etməsinə və qatarların hərəkətinin dayandırılmasına səbəb olub, lakin xəsarət alanlar və ya böyük dağıntılar qeydə alınmayıb.

Telegramda izləyin