Xankəndini tərk edən ermənilərin boş qalan evlərinin taleyi necə olacaq? -AÇIQLAMA

Azərbaycanın vətəndaşlığını qəbul etməkdən imtina edərək Qarabağı tərk edən ermənilərin sayı 80 mini ötüb. Onlar özləri könüllü olaraq həm avtobuslarla, həm də şəxsi avtomobilləri ilə Qarabağı tərk edib Ermənistana gedirlər. Erməni əsilli şəxslərin Ermənistana sərbəst keçidi üçün şərait yaradılır. Bəs Xankəndini tərk edən ermənilərin boş qalan evlərinin taleyi necə olacaq?

Bununla bağlı əmlak məsələləri üzrə ekspert Elnur Fərzəliyev BiG.AZ-a açıqlama verib:

"1990-cı illərin əvvəllərində Birinci Qarabağ müharibəsi başlandı və 10 minlərlə azərbaycanlı öz yurd yuvalarından məcburi köçkün düşdülər. Onların bir qismi Bakı, Sumqayıt və Azərbaycanın müxtəlif bölgələrində salındılar. Yataqxanalar, çadırlar və vaqonlarda qaldılar. Bir hissəsi şəhərdə boş qalmış evlərə getdilər. Sahibi olan və hansı evlər boş idisə vətəndaşlarımız məcburən sığındılar. O zamanlar bir qanun layihəsi hazırlandı. Məcburi köçkünlər hansı evdə məskunlaşıblarsa torpaqlar alınana qədər orada yaşamalıdı. Yaşama hüququ verildi. Amma o əmlakların heç birinin həmin bizim məcburi köçkünlərimizin adına rəsmiləşdirilməsinə icazə verilmədi. Bununla belə dövlətimiz məcburi köçkünlərin yaşaması üçün böyük şəhərciklər tikib. Məcburi köçkünlərimjz yenitikili binalar, təmirli evlərlə təmin edildi. Lakin o evlərə belə mülkiyyət hüququ verilməyib. Yalnız yaşama hüququ ilə bağlı müqavilə bağlanılıb. Çıxarış verilməyib. Bizim hökumətimiz öz vətəndaşlarımıza belə özgənin evini özününküləşdirikməsinə icazə verməyib".

Ekspert bildirib ki, Qarabağda yaşayan ermənilərə biz baxsaq 44 günlük Vətən müharibəsindən sonra regionda yasayan ermənilərin əksəriyyəti oradan gedib: "Söhbət burada yerli, yəni orada yaşayan ermənidən gedir. Biz indi Qarabağı tərk edən ermənilərə nəzər yetirsək böyük əksəriyyəti Rusiya vətəndaşıdır, bir hissəsi İrəvandan vətəndaşıdır. Yəni Qarabağa gəlmədilər. Onlar Qarabağa gəlmə olduqları üçün yaşadıqları evlərin əksəriyyəti Qarabağda yaşayan azərbaycanlılara aiddir. Və orada ev tiksələr belə torpaq onların deyil. Həmin torpaqlar Azərbaycanın torpağıdır. Belə olan halda düşünürəm ki o ermənilərə vətəndaşlıq, mülkiyyət hüququ verilə bilər ki, onlar 90-cı ildən əvvəldən orada yaşayıblar. Yəni yerli sakinlərdir və həmin evlər öz evləri olub. Digər əmlakların sahibləri evlərin bu günkü sahibləri deyil. Onlar azərbaycanlıların evlərinə giriblər".

Ekspert qeyd edib ki, ermənilər Azərbaycanın boş torpaq sahələrinə əmlaklar tikiblər. Xüsusilə, Xankəndi ərazisində bu hallar mövcuddur. Təbii ki 2020-ci ildən bu günə qədər kütləvi halda, 3 dəfə öz əmlaklarını satışa çıxardılar. Öz əmlakları dedikdə Xankəndidəki əmlakları satışa çıxardılar: "Satışa çıxardıqları əmlakları fantastik qiymətə qoydular. Hansı ki reallıqdan söhbət gedir. Bu məqsədyönlü idi. Ermənilər bilirdilər ki, bu evləri heç kim ala bilməz. Çünki həmin ərazidə artıq Azərbaycan öz ərazi bütövlüyünü bərpa edib. Torpaq Azərbaycan torpağı, qanunvericilik isə Azərbaycan Respublikasının Konstitusiyasına uyğun olaraq aparılmalıdır. 2020-ci ildən sonra ermənilərə verilmiş 20-ci ilə qədər bütün sənədlər artıq öz hüququ əsasını itirdi. İstər çıxarış, istər tələblər olsun. Çünki dəfələrlə onlara müraciət olunub ki, siz bu Azərbaycan vətəndaşlığını alın və yaşayın. Bu nə deməkdir? Bu o deməkdir kiz tək onların yaşamaq hüququ əldə etməsi demək deyil. Həmdə onların əmlaklarının Azərbaycan qanunvericiliyinə uyğun olaraq adlarının rəsmiləşdirilməsi idi".

Elnur Fərzəliyev sözlərinə görə, ermənilər təkliflərimiz ilə razılaşmayıblar və evləri satışa çıxarıblar: Bir halda ki, sənin heç bir yerə çıxışın yoxdu. Sən Azərbaycan ərazisindəsən və başında rus sülhməramlısı var. Sülhməramlı olan yerdə münaqişə zonası var. Münaqişə zonasında əmlakların satış qiyməti normal dövrdən dəfələrlə aşağı qiymətə təklif olunur. Bu dünya təcrübəsidir. Bundan əlavə Azərbaycan ərazisindəsən və hansı rəsmi sənədlə, pulla alqı-satqı edəsən. Onlar bilirlər ki, bu əmlakların satışı mümkün deyil. Baha qiymətə satırdılar ki, internet saytlarında bir tarix yazsınlar ki, bizim evin qiyməti belə idi. Onların evləri üzərində heç bir mülkiyyət hüququ yoxdur. Çıxıb gedən ermənilərin evləri birbaşa Azərbaycan əmlakıdır. Ən qısa müddətdə həmin evlərdə məcburi köçkün düşmüş vətəndaşlarımızı köçürməliyik. Bütün arxiv araşdırılır, çıxarılır. Bu gün həmin ermənilərə o ev verilə bilməz. Çünki necə ki bizim məcburi köçkünlərimiz yaşadıqları evi rəsmiləşdirə bilmədilər, həmin qanun orada da tətbiq olunacaq".

Telegramda izləyin

instagramda izləyin