Kreml AÇIQLADI Türkiyədə Qarabağla bağlı görüş olub, lakin..

Rusiya prezidentinin mətbuat katibi Dmitri Peskov Qarabağla bağlı Türkiyədə danışıqlar apardığını təsdiqləyib

BiG.AZ TASS informasiya agentliyine istinadən xəbər verir ki, bu barədə Kremlin sözçüsü Dmitri Peskov jurnalistlərə bildirib.

Dmitri Peskovun sözlərinə görə, "Politico" qəzetinin görüşlə bağlı təqdim etdiyi təfərrüatlar reallığa uyğun gəlmir.

"Avropa İttifaqı, ABŞ və Rusiya nümayəndələri sentyabrın 17-də İstanbulda Qarabağdakı vəziyyətlə bağlı "açıqlanmayan fövqəladə danışıqlar" aparıblar. Bu, onların təsvir etdiyi kimi deyildi. Hesabatda çoxlu qeyri-dəqiqliklər və səhvlər var. Qarabağ məsələsi ilə bağlı müəyyən təmaslar olub, amma söhbət məqalədə göstərilən danışıqlardan getmirdi.

Rusiya Xarici İşlər Nazirliyinin sözçüsü Mariya Zaxarova da öz növbəsində bildirib ki, Brüssel və Vaşinqton böhran başlamazdan əvvəl Dağlıq Qarabağ məsələsi ilə bağlı görüş üçün Moskva ilə əlaqə saxlayıb. Diplomat keçirdiyi brifinqdə izah edib ki, Rusiya, ABŞ və Aİ Qarabağla bağlı müntəzəm fikir mübadiləsi aparıblar.

Sentyabrın 19-da Dağlıq Qarabağda yenidən gərginlik yaranıb. Bakı hərbi əməliyyata başladığını elan edib. İrəvan da öz növbəsində baş verənləri "genişmiqyaslı təcavüz aktı" kimi qiymətləndirib. Rusiya tərəfləri qan tökülməsinə son qoymağa və problemin diplomatik yolla həlli üçün səylər göstərib.

Sentyabrın 20-də Rusiyanın sülhməramlı missiyasının vasitəçiliyi ilə atəşkəs razılaşması əldə olunub. Sentyabrın 21-də Azərbaycanın Yevlax şəhərində Azərbaycan rəsmiləri və Qarabağ ermənilərinin nümayəndələri reinteqrasiya məsələlərini müzakirə etmək üçün görüşüblər. Samvel Şahramanyan sentyabrın 28-də tanınmamış dövlətin 2024-cü il yanvarın 1-dən ləğv edilməsi haqqında fərman imzalayıb" deyə Peskov bildirib.

Telegramda izləyin