2023-cü ilin 9 ayında Ermənistana 1 milyon 850 min turist gəlib

2023-cü ilin 9 ayında Ermənistana 1 milyon 850 min turist səfər edib.

Sonxeber.az erməni mətbuatına istinadən xəbər verir ki, bunu Ermənistan Turizm Komitəsinin sədri Sisian Boqosyan bildirib.

Bu rəqəm 2019-cu ilin eyni dövrü ilə müqayisədə 25% artım təşkil edir.
Mətbuat konfransında danışan Boqosyan bildirib ki, Ermənistanın təklif edəcəyi müxtəlif turizm məhsulları var.
"Biz Ermənistanı təqdim etmək üçün müxtəlif platformalarda fəal işləyirik. Keçən həftə İtaliyada turizm sərgisində iştirak etdik. İtaliya bizim üçün yeni istiqamətdir, bilirsiniz ki, İtaliyanın müxtəlif şəhərlərindən İrəvana birbaşa uçuşlar var və biz hazırda İtaliya bazarında Ermənistanı tanıtmaq üçün məqsədyönlü iş aparırıq. On iki turoperatorla birlikdə Fransada da olduq. Biz Fransada Ermənistana ciddi maraq görürük. Noyabrda beynəlxalq turizm sərgisi üçün Londona gedəcəyik" ,- deyə o bildirib.

Turistlərin əksəriyyəti (51%) Rusiyadan, üçüncü yerdə Gürcüstandan (10%) və İrandan (6%) gəlib.

Fransa, Almaniya və BƏƏ-dən də aktiv turizm səfərləri müşahidə olunur.

2023-cü ilin sentyabrında Ermənistana 260 min turist gəlib. 2022 və 2019-cu ilin sentyabr rəqəmləri müvafiq olaraq 198 min və 221 min olub.

Şəbnəm Lətifi

Telegramda izləyin