Dünyanın ikinci ən böyük lotereyası ABŞ-da öz sahibini tapıb

ABŞ-ın Kaliforniya ştatında yaşayan bir şəxs dünya tarixində ikinci ən böyük cekpot olan 1,76 milyard dollarlıq "Powerball" cekpotunu qazanıb.

Sonxeber.az xəbər verir ki, lotereya təşkilatı The California Lottery-nin açıqlamasına görə ABŞ-ın Kaliforniya əyalətində 36 həftədir ardıcıl olaraq keçirilən "Powerball"da baş mükafatı hələlik kimliyi açıqlanmayan şəxs qazanıb.

İndiyədək keçirilən 36 tirajda qalib müəyyən olunmadığı üçün transferlə artan və cəmi 1,76 milyard dollara çatan uduşun bileti əyalətdəki "Midway" adlı marketdən alınıb.

Baş mükafatın qalibi 30 il müddətinə ödənilməyə razı olduğu təqdirdə bütün məbləği və ya birdəfəlik ödənişə üstünlük verərsə, 774,1 milyon dollar alacaq.

ABŞ tarixində ən böyük lotereya cekpotu 2022-ci ilin noyabrında 2,04 milyard dollarlıq Powerball lotereyası olub.

ABŞ-ın 45 ştatında oynanan Powerball-da qalib gəlmək şansının 292,2 milyonda bir olduğu bildirilir.

Telegramda izləyin