Əkiz bacısının bətnindən hamilə qalan 4 ayaqlı qadın

Doğuşu, evliliyi və ölümü ilə bu dünyada hər kəsin diqqətini çəkən bir qadın yaşayıb. Bəzilərinin qorxduğu, bəzilərinin isə heyran olduğu Cozefina Mirtl Korbin...

Bu yazıda 4 ayaqlı doğulan qadının şou-biznesdən tibb ədəbiyyatlarına uzanan yolunu təqdim edirik.

12 may 1868-ci ildə Tennessi ştatında anadan olan amerikalı Cozefina Mirtl Korbin fiziki görünüşü ilə hər kəsi təəccübləndirib. Çünki onun dörd ayağı var idi.

Cozefina (Josephine) "dipygus" adlı bir növ doğuş anomaliyası ilə doğulur.

Cozefina Mirtl Korbin heç bir fəsadsız doğulur. Qəribəsi odur ki, doğumdan sonra durumun fərqinə varılır. həkimlər bu vəziyyətin tibb aləmində "dipigus" kimi tanınan doğuş anomaliyasından qaynaqlandığını deyirlər. Bu səbəbdən Cozefina dörd ayaqlı və iki uşaqlıq yolu ilə doğulur. Bu vəziyyət o qədər nadirdir ki, indiyədək dünyada yalnız 14 nəfər bu anomaliya ilə doğulub.

Bu, əlbəttə ki, ağıllara "Cozefinanın valideynləri qohumdurmu?" sualını gətirir.

Cozefina doğulanda onu görən hər kəs şoka düşüb, çünki heç kim bu balaca körpənin dörd ayağı olacağını gözləmirdi. Bundan sonra həkimlər Cozefinanın valideynlərinin çox oxşar olduğunu görür və qohumluq testi etmək qərarına gəlir. Testin nəticələri qızın valideynlərinin qohum olmadığını göstərir. Bundan əlavə, cütlüyün Cozefinadan başqa daha yeddi övladı olub və onların hamısı sağlam doğulub.

Cozefina balaca ikən olduqca çətin dövrlərdən keçib. Ətrafdakılar anlaşılmaz şəkildə "Bu qızın içində şeytan var!" deyərək, onu depressiyaya salırdı. Nə qədər kədərli də olsa, məhz bu səbəbdən o, hələ doqquz-on yaşında ikən evdən qaçmağa başlayıb.

O, şou-biznesə sirklərdə çalışaraq daxil olur.

Cozefina az inkişaf etmiş iki ayağını tərpətməkdə çətinlik çəkirdi. Səyləri nəticəsində bu ayaqları da hərəkət etdirməyi bacarır. Lakin nə qədər çalışsa da, yerimək üçün istifadə edə bilmir. Sonradan pul qazanmaq məcburiyyətində olan Cozefina 13 yaşında şou-biznesə daxil olub. O, "Texasdan Dörd Ayaqlı Qız" ləqəbi ilə məşhurlaşır, rəqs edir və oxuyur.

Bəs o, qazandığı pulu nə edir?

Onun şou-biznesdən qazandığı pullara özünə tikdirdiyi paltarlar olub. Beləliklə, o, dörd ayağının hamısını sırf ayaqları üçün alış-veriş edib. Bu, Korbinin səhnədə inanılmaz görünməsinə səbəb oldu. Cozefinanın şouları o qədər məşhurlaşıb ki, saxta "dördayaqlı qadınlar" səhnə aləminə girərək onun şöhrətindən faydalanmağa çalışıblar.

Onu görməyə gələn həkim Ceyms Klinton Biknel gənc qızı müayinə etmək üçün ofisinə çağırır. Bu şəkildə başlayan tanışlıq bir müddət sonra sevgiyə çevrilir və Cozefina 19 yaşında həkimlə ailə qurur. Bicknellin araşdırması, Korbinin iki ayağının ana bətnində olarkən inkişafını tamamlaya bilməyən əkiz bacısına aid olduğunu ortaya qoyur.

Araşdırmalar sayəsində Cozefinin ikinci uşaqlığı olduğu da ortaya çıxıb.

Cozefinanı müayinə edən Dr.Lewis Whaley gənc qadının xarici cinsi orqanlarının kopyalandığını, hamilə olduğunu və körpənin sol tərəfdə olduğunu müəyyən edir. Cozefina isə hamilə olduğuna inanmır. Sonradan məlum olur ki, qadının hər iki uşaqlıq yolu normal fəaliyyət göstərir. Bu, onu yenidən məşhur edir. Araşdırmanın nəticələri tibb jurnalında dərc olunur. Cozefinann dörd qızı və bir oğlu doğulur. Övladlarından üçü öz bətnindən, iki uşağı isə bacısının bətnindən doğulur.

Cozefina tibbi məqalələrə də ilham verir

George M. Gould və Walter L. Pyle tərəfindən yazılmış "Anomaliyalar və Tibb Maraqları" kitabında Cozefina Myrtle Corbinin hər iki uşaqlıq yolundan menstruasiya gördüyü və hər ikisinin funksional olduğu ifadə edilir. Cozefina haqqında təkcə tibb sahəsində deyil, həm də müxtəlif sahələrdə məqalələr yazılır. Yazılan məqalələrdə bu qeyri-adi qadının fiziki cəhətdən çox cazibədar olduğu vurğulanır. Onun çox ağıllı, zərif, musiqi zövqü ilə yanaşı, bütün ev işlərini görməyə enerjisi olan qadın olduğu bildirilir.

Vəfat edərkən tabutu betonla örtülmüşdü.

Cozefina Mirtl Korbin 6 may 1928-ci ildə 59 yaşında Texas ştatının Kleburn şəhərində vəfat edib. Ailə üzvləri məzar quldurlarının cəsədi oğurlamasının qarşısını almaq üçün tabutunu betonla örtürlər. Bəzi həkimlər və şəxsi kolleksiyaçılar da onun cəsədi üçün ailəyə pul təklif edirlər. Təbii ki, ailə bu təklifləri qəbul etmir.

Sfera.az

Telegramda izləyin