Dilan Polat və ərinin bütün mal-mülkü əlindən alındı, xaricə çıxışılarına qadağa qoyuldu - FOTO

Türkiyəli sosial media fenomeni Dilan Polat həyat və yolaşı Enginin Polatın bütün mülkləri müsadirə edilib.

BAKU.WS Türkiyə KİV-ə istinadən xəbər verir ki, cütlüyün xaricə çıxışına da qadağa qoylub.

İstanbul Anadolu Baş Prokurorluğunun Terror və Mütəşəkkil Cinayətlər İstintaq Bürosu tərəfindən araşdırmalardan sonra Dilanla əri haqında açıqlama verilib.

Qeyd edilib ki, onlar vergidən yayınma və bir sıra mərc oyunlarının təşkilində iştirak etdiklərinə görə haqlarında cəza tədbiri görülüb.

Məlumat üçün bildirək ki, cütlük Türkiyədə və bir çox ölkələrdə gözəllik salonları şəbəkəsinə sahibdir, həmçinin kosmetik məhsulların istehsalı ilə məşğul olurlar. Onların iki övladı var.

Dilan Polatın sonuncu dəfə qatıldığı "Müge ve Gülşenle 2.Sayfa" proqramında qızıl tozu qatdığı qəhvəni içməsi, eləcə də bəzən hər hansı ticarət mərkəzində gün ərzində 750 min lirə xərcləməsini və hər ay 1 milyon lirəlik yardım etməsini açıqlaması sosial şəbəkələrdə böyük müzakirələrə səbəb olub, bunun ardınca Maliyyə Cinayətlərini İstintaq Şurası (MASAK) hərəkətə keçib.

Telegramda izləyin