İsrail qüvvələri bir yaşa qədər 133 körpəni öldürüb

İsrailin günlərdir bombardman etdiyi Qəzza zolağında bir yaşa qədər 133 körpə ölüb.

Sonxeber.az xəbər verir ki, Qəzzada olan Fələstin Səhiyyə Nazirliyi, 7-26 oktyabr tarixləri arasında İsrailin Qəzzaya qarşı həyata keçirdiyi hücumlarda ölənlərin adları, şəxsiyyətləri və yaşlarının yer aldığı 212 səhifəlik hesabat dərc edib.

Hesabata görə, 7-26 oktyabr tarixləri arasında İsrailin hücumlarında ölən 7028 nəfərdən 2913-ü uşaqdır.

İsrailin hücumlarında 133-ü bir yaşa qədər, 153-ü 1 yaşında, 158-i 2 yaşında olmaqla 444 körpə həyatını itirib.

İsrailin bombardmanları nəticəsində 3 yaşında 171 uşaq, 1527 ibtidai məktəb (4-13 yaş) və 523 orta məktəb (14-17 yaş) uşaq həyatını itirib.

Hücumlar zamanı həlak olanların 2262-si qadın olduğu halda, 462-si 60 yaşdan yuxarı insan həyatını itirib.

Hesabatda hücumlarda ölən 281 nəfərin şəxsiyyətinin müəyyən edilə bilmədiyi qeyd edilib.

Telegramda izləyin