Tələbə telefonu əlindən alan professoru döydü

Çində tələbə mühazirə zamanı telefonunu götürdüyü üçün professora hücum edib.

Sonxeber.az Lent.az-a istinadla bildirir ki, tələbə müəllimə qulaq asmayıb və iradlara məhəl qoymayaraq telefonla oynayıb. Bundan sonra professor tələbəyə yaxınlaşaraq cihazı zorla ondan alıb.

Qəzəblənən tələbə ona yumruqla hücum edəndə professor yenidən masasına doğru getməyə başlayıb. Qrup yoldaşları isə onu kənara çəkərək müəllimin müdafiəsinə qalxıblar.

Hadisə yerindən çəkilmiş video sosial şəbəkələrdə yayıldıqdan sonra məktəb hadisəni araşdırdıqlarını bildirsə də, təfərrüatları açıqlamayıb. Tələbənin universitetdən xaric edilməsi istənilir.

Telegramda izləyin