Qətldən ömürlük həbs cəzası alan məhbus inanılmaz üsulla qaçdı

Almaniyada qətl törətməkdə təqsirli bilinərək ömürlük həbs cəzasına məhkum edilmiş məhbusun qaçdığı bildirilib.

Sonxeber.az BiG.AZ-a istinadən xəbər verir ki, Pforzheim Polis İdarəsindən verilən açıqlamada, Ömürlük həbs cəzasına məhkum edilən 43 yaşlı Aleksandr Perepelenko iki mühafizəçinin nəzarəti altında meşədə gəzərkən qaçıb.

Perepelenkonun ayaq qandalı daha sonra Germersheim şəhərində tapılıb. Açıqlamada iki mühafizəçinin məhbusu planlı gəzintiyə apardığı, 1,85 metr boyunda olan məhbusun vertolyotlar və polis itləri ilə ərazidə axtarış aparıldığı bildirilib.

Qeyd edək ki, Pforzheim polisi ictimaiyyətdən kömək istəməsinə baxmayaraq hələ də məhbusu tapa bilməyib.

Telegramda izləyin