CHP-də hesab günü: Kılıçdaroğlu ciddi imtahanı qarşısında - Qurultay kimi seçəcək?

"Mayın 28-də seçki məğlubiyyətindən sonra İstanbul və Ankara arasında ikiyə bölünən CHP-nin böyük qurultay günü gəlib çatdı. Son hazırlıqları tamamlayan mərkəzi qərargah 55 əyalət başçısına "Kılıçdaroğluna dəstək bəyanatı" verdirdi".

Bu fikirlər Türkiyənin "Sabah" qəzetinin CHP-nin qurultayı haqda məqaləsində yer alıb.

Qeyd olunur ki, İstanbuldan qurultaya nümayəndə seçilən 185 nəfər CHP başqanlığına namizəd Özgür Özeli dəstəkləyir:

"Bugünkü qurultayda sərt müzakirələrin olacağı gözlənilən CHP sədri Kamal Kılıçdaroğlunu partiya daxilində ən kritik imtahanı gözləyir. 1368 nümayəndənin sədri seçəcəyi qurultayda bütün gözlər həm də divan başqanlığına keçəcək İmamoğlunun üzərində olacaq. CHP-nin mrkəzi qanadından olan buir qrup ilk gündən islahatçıların lideri İmamoğlunun bu vəzifəyə təyin olunmasına qarşı çıxıb. Özələ açıq dəstəyini bəyan edən İmamoğlunun qurultayı nə dərəcədə obyektiv idarə edə biləcəyi suallar yaratsa da, islahatçıların lehinə bəzi tədbirlər görüləcəyi təqdirdə gərginliyin pik həddə çata biləcəyi iddia edilir".

Qeyd edək ki, CHP-nin qurultayı artıq öz işinə başlayıb. Ankara İdman Salonunda keçirilən 38-ci "Demokratiya və Birlik" Qurultayında CHP lideri Kamal Kılıçdaroğlu açılış nitqi ilə çıxış edib.

Telegramda izləyin