Fələstin səhiyyə naziri: "Qəzzada səhra xəstəxanalarına ehtiyac var"

Fələstinin səhiyyə naziri Mey əl-Keyle İsrailin intensiv bombardmanları nəticəsində səhiyyə sisteminin çökdüyü Qəzzada səhra xəstəxanalarına ehtiyac olduğunu bildirib.

Sonxeber.az xəbər verir ki, Keyle bir televiziya kanalına verdiyi açıqlamada Qəzzada səhiyyə sektorunun vəziyyəti ilə bağlı məlumat verib və nazirliyin Facebook səhifəsində yayımlanyıb.

Keyle Qəzzadakı xəstəxanaların fəaliyyətini davam etdirməsi üçün yanacaq, elektrik və tibbi ləvazimatlara ehtiyac olduğunu, 16 xəstəxana və 51 sağlamlıq mərkəzinin hücumlar və yanacaq çatışmazlığı səbəbindən xidmətdən çıxdığını bildirib.

Xəstələrin steril olmayan mühitlərdə, xəstəxana dəhlizlərində və telefon işıqları ilə əməliyyat edildiyini bildirən Keyle Qəzzada səhra xəstəxanalarının yaradılması lazım olduğunu qeyd edib.

Keyl dünya və beynəlxalq təşkilatları yaralıların Misirdəki xəstəxanalara göndərilməsi, yanacaq və tibbi ləvazimatların Qəzzaya girməsinə icazə verilməsi üçün hərəkətə keçməyə çağırıb.

Telegramda izləyin