İçindən metal parçalar çıxdı! Məşhur şirkət məhsullarını bazardan çıxarır

ABŞ-ın quşçuluq şirkəti "Tyson Food", məhsullarında metal hissələr aşkar edildikdən sonra 13 ton toyuq ətini bazardan çıxarmaq qərarına gəlib.

Sonxeber.az BiG.AZ-a istinadən xəbər verir ki, "Tyson Food", "Bəzi istehlakçılar məhsulların içərisində əyilə bilən metal hissələri tapdıqlarını bildirdilər və şirkət ehtiyat tədbiri olaraq bu məhsulu bazardan geri götürür." deyə bəyanat verib.

Şirkət tək bir müəssisədə istehsal edilən və daşınmaq üçün 9 fərqli ştata göndərilən 13 ton dinozavr formalı "Fun Nuget"in bazardan çıxarılacağını açıqlayıb.

ABŞ Qida Təhlükəsizliyi və Nəzarət Xidməti (FSIS) toyuq əti yeyən şəxsin ağzında kəsik olduğu üçün xəbərdarlıq aldığını və oxşar vəziyyətlə qarşılaşan şəxslərin səhiyyə müəssisələrinə müraciət etmələri lazım olduğunu bildirib.

ABŞ-ın ən böyük toyuq istehsalçılarından biri olan "Tyson Food" əvvəllər də oxşar səbəblərdən məhsullarını bazardan geri çəkmişdi.

Telegramda izləyin