İsrail ordusu oktyabrın 27-dən bu yana Qəzzaya 4300 hücum həyata keçirib

İsrail ordusu blokadada olan Qəzza zolağına qurudan hücumlarını genişləndirdiyini elan etdiyi 27 oktyabrdan bu yana bölgədə 4300 hücum təşkil edib.

Sonxeber.az xəbər verir ki, ordudan verilən açıqlamada İsrail quru qoşunlarının Qəzza zolağında hücumlarını davam etdirdiyi bildirilib.

İsrail ordusu bundan əvvəl oktyabrın 7-dən Qəzza zolağına 15 mindən çox hücum təşkil etdiyini bildirmişdi.

İsrailin 7 oktyabrdan bu yana Qəzzaya təşkil etdiyi hücumlarda 4 min 609-u uşaq, 3 min 100-ü qadın olmaqla 11 min 180 adam həlak olub.

Telegramda izləyin