İsrailin Livana endirdiyi aviazərbə nəticəsində 2 dinc sakin həlak olub

İsrailin Livanın sərhəd bölgəsində döyüş təyyarələri ilə həyata keçirdiyi hava hücumunda 2 mülki vətəndaşın ölüb.

Sonxeber.az xəbər verir ki, Livanın rəsmi agentliyi NNA-da dərc olunan xəbərdə İsrailin bu gün Livanın cənubundakı sərhəd bölgələrinə endirdiyi hava hücumunun itkiləri ilə bağlı məlumat paylaşılıb.

İsrailin Aynasa qəsəbəsindəki bir evə təşkil etdiyi hava hücumunda 2 mülki vətəndaşın həlak olduğu, bəzi mülki vətəndaşların isə yaralandığı bildirilib.

Qeyd olunub ki, Livan mülki müdafiə qrupları hücum nəticəsində tamamilə dağılan evin dağıntıları altından cəsədləri çıxarıb.

Livanda İsrail ordusu ilə Hizbullah arasında oktyabrın 8-dən bəri davam edən qarşıdurmalarda həlak olan mülki vətəndaşların sayı 16-ya çatıb.

Telegramda izləyin