Qohumları döyməsindən tanıdı! 31 il sonra...

Beynəlxalq Kriminal Polis Təşkilatının (İNTERPOL) qohumları tapıla bilməyən qadınların meyitlərinin tanınması üçün başlatdığı əməliyyat nəticəsində illər sonra bir nəfər ailəsinə bildirilib.

Sonxeber.az BiG.AZ-a istinadən xəbər verir ki, Belçikada öldürülən Britaniya vətəndaşı Rita Robertsin kimliyi 31 il sonra ailəsi tərəfindən müəyyən edilib.

Qadının döyməsini görən ailə onun Rita Roberts olduğunu anlayıb. İnterpolun polis rəisi Stiven Kavanaq deyib ki, Robertsin ailəsi döyməni görən kimi Belçikadakı səlahiyyətlilərlə əlaqə saxlayıb və onlar qadının kimliyini rəsmən müəyyən ediblər.

İnterpolun açıqlamasına görə, 1992-ci ilin fevralında İngiltərədən Belçikanın Antverpen şəhərinə gedən Rita Roberts sonuncu dəfə 1992-ci ilin may ayında mktub göndərərək ailəsi ilə əlaqə saxlayıb və onun cansız bədəni çayda tapılıb.

Belçika səlahiyyətliləri şəxsiyyətin müəyyənləşdirilməsi tamamlandıqdan sonra qətlin təfərrüatları ilə bağlı araşdırmalara başlayıb. İNTERPOL Hollandiya, Belçika və Almaniyada qətlə yetirilən 15-30 yaş arası 22 qadının kimliyini müəyyən etmək üçün "Məni tanı" adlı əməliyyata başlayıb.

Polisdən verilən açıqlamada bildirilib ki, may ayında başladılan əməliyyat çərçivəsində indiyədək işlərlə bağlı 1250 məlumat daxil olub.

Telegramda izləyin