Çin yeni nəsil dəniz müşahidə peykini orbitə buraxıb

Çin kosmosa öz yeni nəsil dəqiq aydınlıqla rəng müşahidələri apara bilən dəniz müşahidə peykini göndərib.

Sonxeber.az xəbər verir ki, Çinin Sinxua agentliyinin xəbərinə görə, peyk Qobi səhrasındakı Ciuchuen Peyk Mərkəzindən Long March 2C raketi ilə buraxılıb.

Peyk planlaşdırılan orbital mövqeyinə oturduqca, bu, Long March raketləri ilə həyata keçirilən 497-ci uğurlu nəqliyyat missiyası olub.

Xəbərlərdə peykin adı və orbital yeri ilə bağlı heç bir məlumat verilməsə də, beynəlxalq məlumat bazalarından və peyk izləmə saytlarından əldə edilən məlumatlardan Günəş Sinxron Orbitində yerləşdirilən peykin "Hayyang 3A" olduğu anlaşılır.

Adı Çin dilində "okean" mənasını verən Hayyang peykləri okeanların, dənizlərin, göllərin və çayların müxtəlif xüsusiyyətlərini kosmosdan genişmiqyaslı, davamlı və dinamik şəkildə izləməyə imkan verir.

Çin Kosmik Texnologiyalar Akademiyası tərəfindən hazırlanan Hayyang peykləri rəng, temperatur və maddə hallarını təhlil edərək açıq dənizlərdə və ada və liman sahillərində su mühitini müşahidə edə bilir.

Bildirilib ki, dünyada yüksək rəng həssaslığına malik ilk peyk olan "Hayang 3A" Çinin dəniz marşrutlarında balıq ehtiyatlarından istifadənin və dənizlərin çirklənməsinin monitorinqi üçün məsafədən zondlama xidmətləri göstərəcək.

Telegramda izləyin