Oğurladığı telefonları satıb sevgilisinə maşın aldı

Türkiyənin Adana şəhərində mağazaya çatdırmalı olduğu 33 ədəd mobil telefonu oğurlayıb 28-ni satan, sevgilisinə avtomobil hədiyyə edən kuryer tutulub.

Sonxeber.az xəbər verir ki, şəhərdəki yük şirkəti tərəfindən elektronika mağazasına təhvil verilməli olan 3 bağlamada 33 ədəd mobil telefon oğurlandıqdan sonra vəziyyət polisə məlumat verilib.

Əməliyyatçılar müəyyən ediblər ki, yük şirkətinin əməkdaşlarından olan Əzim mağazaya çatdırmalı olduğu telefonları oğurlayıb.

Şübhəli Əzim mərkəz Sarıçam rayonundakı evində polis qrupları tərəfindən nəzarətə alınıb. \

Şübhəlinin telefonlardan 28-ni 400 min lirəyə sataraq pulla avtomobil alıb sevgilisi İ.D-yə (19) hədiyyə etdiyi müəyyən edilib.

Cinayət yolu ilə əldə edilən pulla alınan avtomobilin satışının qarşısının alınması üçün də qərar çıxarılıb.

Təhlükəsizlik kamerası şübhəlinin telefonların olduğu qutuları transpaletin köməyi ilə daşıdığını qeyd edib.

Telegramda izləyin