Sərvətinə sərvət qatdılar: "Forbes"in ən zəngin qadınları kimdir?

Afrikalı qadınlar biznes və maliyyə dünyasında hesablaşmağa dəyər bir gücə çevrilib və "Forbes"in dünyanın ən varlı adamları siyahısına daxil ediliblər.

Sonxeber.az BiG.AZ-a istinadən xəbər verir ki, bu illər ərzində afrikalı qadınlar Forbes-in dünyanın ən varlı adamları siyahısında yer qazanıblar. "Şərq əl-Avsat"ın məlumatına görə, Afrikanın ən zəngin beş qadını bunlardır:

Isabel dos Santos (Sərvət: 32 milyard Cənubi Afrika Randı/2 milyard 956 manat)
Anqola Respublikasının keçmiş prezidenti Xose Eduardo dos Santosun böyük qızı İzabel dos Santos 2016-cı ilin iyunundan 2017-ci ilin noyabrına qədər Anqolanın dövlət neft şirkəti Sonangolun prezidenti vəzifəsində çalışıb. Bu müddət ərzində o, bir çox Anqola şirkətlərində, banklarda və telekommunikasiya şirkətində səhmlərə sahib olub. İzabel dos Santos hazırda bir neçə Portuqaliya şirkətinin, o cümlədən telekommunikasiya və kabel televiziyası şirkəti Nos SGPS-də səhmlərə sahibdir.
Folorunşo Alakija (Sərvət: 15milyard Cənubi Afrika Randı/1 milyard 386 milyon manat)

Folorunşo Alakija məhsuldar Agbami neft yatağında payı olan Nigeriya neft kəşfiyyatı şirkəti "Famfa Oil"in vitse-prezidentidir. Nigeriya hökuməti Alakija şirkətinə 1993-cü ildə neft kəşfiyyatı lisenziyası verdi və sonradan neft hasilatına çevrildi. Alakijanın ilk şirkəti Nigeriyanın keçmiş prezidenti İbrahim Babangidanın həyat yoldaşının da müştərisi olduğu moda brendi olub.
Mama Ngina Kenyatta (Sərvət: 13 milyard Cənubi Afrika Rand/1 milyard199 milyon manat)

Keniyanın ilk prezidenti Jomo Kenyattanın həyat yoldaşı, keçmiş birinci xanım Mama Ngina Kenyatta ölkənin ən böyük özəl bankı olan Afrika Kommersiya Bankı (CBA) və yüksək səviyyəli otellər şəbəkəsi Heritage daxil olmaqla əhəmiyyətli brend və investisiya portfelini idarə edir. Kenyatta'nın nəhəng investisiya imperiyasına həmçinin Şərqi Afrikanın aparıcı süd şirkəti, bazar payı Yaxın Şərqə qədər uzanan "Brookside Dairies", həmçinin "Media Max" şirkəti və ağac istehsalı şirkəti "Timsales Timber" daxildir.
Vendi Ackerman (Sərvət: 13 milyard Cənubi Afrika Rand/1 milyard199 milyon manat)
Pərakəndə satış firması "Pick 'n Pay" və "Ackerman" Ailə Fondunun tərəfdaşı Vendi Ackermanın fikrincə, onun uğurunun açarı ardıcıl zəhmətdir. Ackerman Cənubi Afrikanın "IOL" xəbər saytına verdiyi müsahibədə bunları deyib:
"Mən heç vaxt tənbəl olmamışam və həmişə özümü məcbur etdim. Bu dözümlülüyün haradan gəldiyini bilmirəm."
Vendi Appelbaum (Sərvət: 2 milyard Cənubi Afrika Randı/184 milyon manat)

Keyptaunun əsas şərab təsərrüfatlarından biri olan Chair De Morgenzen Winery-nin ortağı Donald Qordonun qızıdır. Ən böyük fərdi səhmdarlardan biri olduğu Liberty Group Investors-da menecer olan Appelbaum daha sonra səhmlərini sataraq həyat yoldaşı ilə birlikdə öz şərab təsərrüfatını qurdu. 2012-ci ildə o, Forbes-in Afrikada on qadın milyonçu siyahısına daxil edilib.

Telegramda izləyin

instagramda izləyin