İsrail ordusu Qəzza zolağında 54 nəfəri öldürüb

İsrail ordusu Qəzza zolağında müvəqqəti atəşkəs başa çatdıqdan sonra hava zərbələri ilə 54 nəfəri öldürüb, çoxlu sayda yaralı var.

Sonxeber.az xəbər verir ki, İsrailin Qəzza zolağının mərkəzində yerləşən Əl-Meqazi Qaçqınlar Düşərgəsindəki bir evi hədəf alan hücumunda 7 fələstinli ölüb, çoxlu sayda insan yaralanıb.

Rəfah şəhərinin mərkəzində bir evi hədəf alan hücumda 4 nəfər ölüb, çoxlu sayda insan yaralanıb. Hücum zamanı ölən və yaralananlar Əbu Yusur ən-Nəccar xəstəxanasına gətirilib.

Qəzza Daxili İşlər Nazirliyi, İsrail qüvvələrinin Xan Yunisin qərbində yerləşən Həməddə də bir mənzili hədəf aldığını, 2 nəfərin öldüyünü, çox sayda insanın yaralandığını açıqlayıb.

Qəzza Səhiyyə Nazirliyi atəşkəsin sona çatmasından bu yana ümumilikdə 54 fələstinlinin öldürüldüyünü açıqlayıb.

Telegramda izləyin