Astronomlar böyük bir topluda ulduzları "yeyən" "hörümçək pulsarları" aşkar ediblər

Fransa, İtaliya, Avstraliya, ABŞ və digər ölkələrdən olan beynəlxalq astronomlar qrupu 300 yeni neytron ulduzu tapıb və onları kataloqa daxil ediblər.

Tədqiqat "The Astrophysical Journal" (TAJ) elmi jurnalında dərc olunub.

Alimlər bu kəşfləri "Fermi" kosmik qamma-teleskopundan istifadə etməklə apardıqları müşahidələr sayəsində ediblər. Bəzi neytron ulduzlarının saniyədə yüzlərlə dəfə fırlandığı məlumdur və onlara millisaniyə pulsarları deyilir. 2008-ci ildə "Fermi" işə salınmazdan əvvəl bəşəriyyətə 10-dan az belə obyekt məlum idi.

Astronomlar qrupunun gəldikləri nəticəyə əsasən, aşkar edilmiş topluda qara dul hörümçəklərin öz növündən olanları yediyi kimi qonşuluqda yerləşən ulduzları udmaq qabiliyyətinə görə belə adlandırılmış bir neçə "hörümçək pulsar" var.

"Qamma şüalarından istifadə edərək millisaniyə pulsarını aşkarlaya bildiyimizə görə çox ruhlanmışdıq. Bu yüksək sürətli pulsarlar təbiətdə ən dəqiq vaxt qoruyucuları olaraq qalırlar", - deyə tədqiqatın müəlliflərindən biri, astrofizik Metyu Kerr bildirib.

Millisaniyə pulsarlarından çıxan aşağı tezlikli qravitasiya dalğalarını izləyərək, onları kosmik saat kimi istifadə etmək mümkündür. Kəşf qalaktikaların necə əmələ gəlməsini daha yaxşı anlamağa kömək edəcək, həmçinin uzaq gələcəkdə kosmosda naviqasiya üçün pulsarlardan istifadə etməyə imkan verəcək./Oxu.az

Telegramda izləyin