Tokioda taksi sürücüsü göyərçini qəsdən əzib öldürdüyünə görə həbs edilib

Yaponiyanın paytaxtı Tokioda taksi sürücüsü bir göyərçini qəsdən əzib öldürdüyü üçün həbs edilib.

Sonxeber.az xəbər verir ki, ötən ay Şinjuku bölgəsində işıqforda gözləyən taksi sürücüsü Ozava Atsushi işıq yaşıl yanan zaman avtomobilini göyərçinlərin olduğu yerə sürüb.

Ozava maşını ilə bir göyərçini öldürərək hadisə yerindən qaçıb.

Yaxınlıqdakı piyadaların xəbəri ilə hadisə yerinə sövq edilən polis hadisənin səbəbini araşdırıb.

Göyərçin üzərində aparılan yarılmada ölüm səbəbinin travmatik şok olduğu qeyd edilib.

Məlum olub ki, işıqda gözləyən taksi sürücüsü qəfil sürəti artıraraq maşını göyərçinin üstünə sürüb.

50 yaşlı Ozava təbiətin mühafizəsi qanununu pozmaq ittihamı ilə həbs edilib.

Telegramda izləyin