Rusiyada prezident seçkisi üç gün davam edə bilər

Rusiyada prezident seçkisinin keçiriləcəyi tarix məlum olub.

Bununla əlaqədar Rusiya Federal Məclisinin Federasiya Şurası qərar qəbul edib.

Qərara əsasən, Rusiyada növbəti prezident seçkisi gələn il martın 17-də keçiriləcək.

Həmçinin, Rusiyada prezident seçkisi üç gün davam edə bilər.

Bu barədə Mərkəzi Seçki Komissiyasının (MSK) rəhbəri Ella Pamfilova Federasiya Şurasının iclasında məlumat verib.

Onun sözlərinə görə, seçki martın 15, 16 və 17-də keçirilə bilər. MSK müvafiq qərar layihəsinə dekabrın 8-də baxacaq.

Pamfilova qeyd edib ki, üç günlük səsvermə tələbi Rusiya vətəndaşlarından gəlib.//oxu.az

Telegramda izləyin