Meksikada 5,8 bal gücündə zəlzələ baş verib

Meksikanın Chiautla de Tapia şəhərində zəlzələ olub.

Sonxeber.az xəbər verir ki, zəlzələ 5,8 bal gücündə baş verib.

Bu barədə ABŞ Geoloji Xidməti məlumat yayıb.

Zəlzələnin Meksikanın Puebla əyalətindəki Chiautla de Tapia şəhərindən 10 kilometr şimal-şərqdə, 45 kilometr dərinlikdə meydana gəldiyi bildirilib.

Meksikanın Milli Seysmoloji Xidməti zəlzələnin yerli vaxtla saat 14.03-də baş verdiyini açıqlayıb.

Zəlzələ Puebla ştatında, eləcə də ətraf Morelos, Gerrero, Oaxaca, Tlaxcala və paytaxt Mexiko ştatlarında hiss olunub.

Mexikoda zəlzələ xəbərdarlığı sistemi işə salınarkən, meksikalılar evlərini və iş yerlərini tərk edərək siren səsləri ilə küçələrə çıxıblar.

Zəlzələdə can və ya mal itkisi barədə hələlik məlumat verilməyib.

Telegramda izləyin