İsrail qüvvələri İordan çayının qərb sahilində hücumlarını davam etdirir

İsrail qüvvələri gecədən səhərə kimi işğal altındakı İordan çayının qərb sahilində müxtəlif ünvanlara basqın edərək 2 fələstinlini nəzarətə götürüb.

Sonxeber.az xəbər verir ki, Fələstinin rəsmi agentliyi olan WAFA-nın məlumatına görə, İsrail qüvvələri gecə və səhər saatlarında Ramallah, Beytullah, Əl-Birə, Qalkilya, Nablus, Əl-Xəlil və Cenində reydlər həyata keçirib. Əsgərlər bu şəhərlərdə bəzi evlərə, dükanlara girərək axtarış aparıblar.

İsrail əsgərləri Beytlehemdə Qüds İslam Vəqfləri İdarəsinin sədr müavini Şeyx Nacih Bukeyrat və Baha Mahmud Əl-Arucun evlərinə basqın edərək, sözügedən iki fələstinlini nəzarətə götürüb.

İsrail qüvvələrinin Ramallah şəhərində istifadə etdiyi gözyaşardıcı qazdan çoxlu fələstinli boğulma təhlükəsi ilə üzləşib.

İsrail qüvvələri Hebronun bəzi bölgələrində fələstinlilərə məxsus avtomobilləri saxlayıb və axtarış aparıb.

Telegramda izləyin