Ekvadorda silahlı şəxslər təsadüfən 4 uşağı güllələdi

Cənubi Amerika ölkəsi Ekvadorda silahlı şəxslər evə basqın edib.

Sonxeber.az xəbər verir ki, silahlı şəxslər təsadüfən 4 uşağı öldürüb, ananı isə ağır yaralayıb.

Milli mətbuatda yer alan xəbərə görə, Guayaquil şəhərinin Quasmo Sur rayonunda bir evə girən silahlı şəxslər ətrafa təsadüfi atəş açıb.

Hadisənin baş vermə səbəbi məlum deyil.

Səlahiyyətlilərin verdiyi açıqlamada hücum edənlərin əsas hədəfinin qonşuluqdakı başqa bir ev olduğu və bu səbəbdən hücuma məruz qalan evdəki insanların hadisə ilə heç bir əlaqəsinin olmadığı bildirilib.

Ölən uşaqların 5 aylıq, 3, 5 və 7 yaşlarında olduğu qeyd olunub.

Hücumla bağlı genişmiqyaslı əməliyyata başlanıldığı bildirilib.

Telegramda izləyin