Açarını unutduğu üçün evə eyvandan girmək istədi, başına gəlməyən qalmadı

Açarlarını unudan gənc qapını dəfələrlə döyməsinə baxmayaraq içəridəki dostuna səsini eşitdirə bilməyincə evə eyvandan girməyə çalışıb. Amma bu zaman başına gəlməyən qalmayıb.

Sonxeber.az xəbər verir ki, hadisə Trkiyənin Adana şəhərində baş verib.

Evdən çıxarkən açarlarını evdə unutduğunu anlayan 23 yaşlı gənc bir neçə dəfə qapı zəngini basaraq otaq yoldaşını oyatmağa çalışıb. Dostunu oyandıra bilməyən gənc eyvandan evə daxil olmaq istəyib. Su borularına dırmaşaraq ikinci mərtəbədəki evinin eyvanına çıxmaq istəyən gənc müvazinətini itirərək yerə çırpılıb. Gəncin yıxıldığını görən vətəndaşlar vəziyyəti 112 Təcili Yardım Mərkəzinə bildiriblər. Xəbər verildikdən sonra əraziyə sağlamlıq və polis qrupları sövq edilib. Qısa müddətdə hadisə yerinə gələn tibb qrupları yaralı gəncə ilkin tibbi yardım göstərərək təcili tibbi yardım maşını ilə xəstəxanaya çatdırıblar. Xəstəxanada müalicə alan gəncin səhhətinin ağır olduğu öyrənilib. Hadisə ilə bağlı istintaq davam edir.

Yuxarı qalxarkən 2-ci mərtəbədən yerə çırpılan gənc ağır yaralanıb./BiG.AZ

Telegramda izləyin