Universitetə qəbul imtahanı tez bitdiyi üçün hökuməti məhkəməyə verdilər

Cənubi Koreyada universitetə ​​qəbul imtahanında iştirak edən bir qrup tələbə imtahan planlaşdırılan vaxtdan 90 saniyə tez başa çatdığı üçün hökuməti məhkəməyə verib.

Sonxeber.az xarici mənbəyə istinadən xəbər verir ki, hadisə zamanı bəzi tələbələr etiraz etsə də, nəzarətçilər imtahan vərəqlərini yığıblar.

Növbəti məşğələ başlamazdan əvvəl müəllimlər səhvini anlayıb və nahar fasiləsində tələbələrə əlavə 90 saniyə vaxt veriblər.

Lakin bu müddət ərzində tələbələrə yalnız boşluqları doldurmağa icazə verilib. Tələbələr cavablarını dəyişə bilməyiblər.

İmtahanda iştirak edən ən azı 39 şagird məsələ ilə bağlı hökumətə qarşı iddia qaldırdıqlarını bildiriblər. Tələbələr 20 milyon von (15 400 dollar) tələb ediblər ki, bu da imtahana yenidən hazırlaşmaq xərcləridir.

Telegramda izləyin