Ölən dilənçinin milyonçu olduğu ortaya çıxdı!

İraqın paytaxtı Bağdadda xəstəxanaya yerləşdirilən yaşlı dilənçinin öləndən sonra milyonçu olduğu ortaya çıxıb.

Sonxeber.az xarici mənbəyə istinadən xəbər verir ki, dilənçinin ölümündən sonra onun iki qardaşı bacısının vəsiqəsini almaq üçün getdikləri evdə milyonlarla İraq dinarı və torbalarda qızıl tapıblar.

Qardaşlar bacılarına məxsus pul və qızılları maşına yükləyən zaman qonşular tərəfindən görülüb. Məsələ ilə bağlı hadisə yerinə polis çağrılıb.

Polisin evdə axtarışı zamanı qızılla birlikdə təxminən 400 min dollar tapılıb. Ölən qadının qardaşları saxlanılıb.

Qadının qonşuları dilənçiliklə çörəkpulu qazanan qadına çox kömək etdiklərini və daim yemək verdiklərini bildiriblər. Ölən qadının oğlunun polis əməkdaşı olduğu iddia edilib.

Telegramda izləyin