Yeni il gecəsində "hinduşka" yemək ənənəsi haradan gəlir? - MARAQLI ARAŞDIRMA

Yeni il axşamı yeməyi dedikdə ağlımıza dərhal qızardılmış və dadlı hind toyuğu gəlir. Adət ənənəyə çevrilən bu yeməyin tarixi qədimlərə gedib çıxır. Yeni il gecəsinin simvolik yeməklərindən biri olan hind toyuğu demək olar ki, bir çox dünyada yeni il süfrələrini bəzəyir. Bəs bu yeməyin yeni il gecəsi hazırlanması necə adət-ənənəyə çevrildi?

Bunu bilmək üçün əvvələ qayıtmaq lazımdır. Hind toyuqlarının İngiltərəyə 16-cı əsrin əvvəllərində, təxminən 1524-cü ildə gətirildiyi və ingilis tacirləri tərəfindən ispanlara satıldığı düşünülür. Bu tarixdən əvvəl insanlar Milad yeməyi üçün qaz, çöl donuzu, inək və hətta tovuz quşuna üstünlük verirdilər. Beləliklə, hind toyuqları Milad gecəsi üçün xüsusi bir seçim deyildi. Tarixdə Miladda hind toyuğu yeyən ilk şəxs ingilis monarxı VIII Henrix olub. Bu bir ilk olsa da, hind toyuğu əsrlər sonra ənənəyə çevrilib. Daha sonra müəllif Çarlz Dikkensin 1843-cü ildə yazdığı "Milad nəğməsi" kitabında obrazlar Milad bayramında bir-birlərinə hind toyuğu hədiyyə edirdilər. Dikkensin ailəsinin də həmin il Milad üçün hind toyuğu yediyi də məlumdur.

Tarixə daha yaxından nəzər yetirsək, hind toyuğu Yeni il yeməyi deyil,eyni zamanda Şükran yeməyidir.Şükran günü Amerika qitəsinin sakinləri tərəfindən ilin son günlərində əldə edilən bütün məhsullara və ötən ilin nemətlərinə görə şükür etmək üçün böyük ziyafət süfrələri ilə qeyd olunan milli bayramdır.Amerikada bu bayramın mənşəyi 17-ci əsrə gedib çıxır. Şükran Günündə hind toyuğunun məşhurlaşması 19-cu əsrə aiddir. Bunu səbəbi isə ​ çox bəsitdir. Çünki hər yerdə bu quşun növü var idi! Açığı, 10 milyon olduğu təxmin edilən bu quşları həmin dörvrdə yeməmək qəribə olardı.

Digər səbəb isə hind toyuğunun digər heyvanlardan daha ucuz başa gəlməsi idi. Toyuqlar hər gün yumurtlayanda, inəklər isə sağılarkən hind toyuqları yalnız əti üçün saxlanılan heyvan idi. Bu baxımdan asanlıqla istifadə olunurdu. Bundan əlavə, ölçüsünə görə hind toyuqları bir ailəyə rahatlıqla çata bilər. Buna görə də, hind toyuqları zaman keçdikcə hind toyuqları yeni ildə süfrənin bəzəyinə çevrilib və bu ənənə günümüzə qədər davam edib.

Sevda Səfərova

Telegramda izləyin