Tibbi maskadan məcburi istifadə yenidən qüvvəyə MİNİR? - AÇIQLAMA

Bildiyiniz kimi qızılcaya yoluxma halları getdikcə artır. Bu halların artması qapanmalara və tibbi maskalardan istifadə səbəb ola bilər mi?

Məsələ ilə bağlı infeksionist-hepatoloq Mərdən Əliyev Sonxeber.az-a açıqlama verib:

O, qızılca xəstəliyinin Covid-19-dan daha yoluxucu olduğunu bildirib:

"Qızılca xəstəliyi Covid-19-dan bir neçə dəfə daha yoluxucudur. Qızılca xəstəliyi yüksək yoluxuculuğa malikdir. 5 yaşına qədər olan uşaqlar bu xəstəlikdə daha həssas olur. Yuxarı yaşlı şəxslər peyvənd olunduqları üçün xəstəliyi yüngül keçirir.

Amma bəzən yaşlı şəxslərin qızılcaya yoluxub, vəfat etməsini də müşahidə edirik. Qızılca, Covid-19 kimi yeni bir xəstəlik olmadığı üçün, bu epidemiyaya müəyyən yaş qrupu həssas deyil. Yəni onların artıq immuniteti formalaşıb. Amma immunitet olmayan və ya həssas olan şəxslər bu xəstəliyə istənilən halda yoluxacaqlar".

İnfeksionist-hepatoloq bildirib ki, qızılca maska taxmaqla və sosial məsəfəni qorumaqla qarşısını alınan xəstəlik deyil:

"İnsanların bayram ərəfəsində müəyyən yerlərdə toplanması xəstəliyin yayılmasına səbəb ola bilməz. Qızılca maska taxmaqla və sosial məsəfəni qorumaqla qarşısı alınan xəstəlik deyil. Eyni zamanda bu xəstəlik sürətlə yoluxub sağalır. Ona görə də biz aylarla, illərlə bu prosesin şahidi olmayacağıq. Qızılcanın yayılması daha çox təbii şəkildə baş verir. Bu sayın artması peyvənd olunmayanlarla əlaqəlidir".

Gülcahan Məmmədova

Telegramda izləyin

instagramda izləyin