Abxaziyada minlərlə rəsm əsərinin olduğu muzey yanıb

Yanvarın 21-də Abxaziyanın Suxumi şəhərində rəsm qalereyasında yanğın baş verib.

Bu barədə Abxaziya Fövqəladə Hallar Nazirliyinin Mətbuat Xidməti məlumat yayıb.

4 000-ə yaxın rəsm əsəri yanıb.

"Saat 04:00 radələrində Mərkəzi Sərgi zalının binası yanıb, saat 07:00-da yanğın lokallaşdırılıb", - deyə idarədən bildirilib.

Əməliyyat xidmətləri yanğının qonşu binalara, o cümlədən Abxaziya və Rusiya teatrlarına keçməsinin qarşısını alıblar. Versiyalardan birinə görə, yanğına səbəb naqillərdə nasazlığın olmasıdır.

"Hər şeyin yandığını deyə bilərik", - deyə Mədəniyyət nazirinin səlahiyyətlərini icra edən Dinara Smır bildirib.
O, əlavə edib ki, bu, Abxaziyanın milli mədəniyyəti üçün bərpa olunmaz itkidir.

Qeyd edək ki, XIX-XX əsrlərdə Abxaziya və Rusiya rəssamlarının 4 000-dən çox rəsm əsəri yandırılıb.

Bəzi rəsmləri yanğından xilas etmək mümkün olub və onları yanmış muzeydən çıxarıblar.

Telegramda izləyin