"AŞPA ilə əməkdaşlığın dayandırılmasını "siyasi alət"ə çevrilmiş bir qurumun ifşası adlandıra bilərik" - ŞƏRH

"Azərbaycan nümayəndə heyətinin AŞPA-da fəaliyyətini müvəqqəti olaraq dayandırması təbii ki qurumun qərəzli mövqeyi ilə bağlıdır. Azərbaycan nümayəndə heyətinin səsvermə ratifikasiya edilməməsi məsələsi gündəmə gəlmişdir. Artıq bu gün qərar veriləcəyi gözlənilirdi. Azərbaycan nümayəndə heyəti bu addım ilə AŞPA-ya adekvat cavab verir. Çünki bu məsələdə faktiki olaraq AŞPA-nın sərgilədiyi mövqe göstərir ki, bu ədalətsizliyə atılan biləcək ən doğru addımlardan biridir. AŞPA-nın son Azərbaycan nümayəndə heyətinin səs verməsinə ratifikasiya edilməməsi məsələsində bəhanələrə baxdığı görünür. Yəni Azərbaycanda siyasi məhbusun olduğundan danışırlar. Halbuki hüquqi baxımdan bununla bağlı bir fakt yoxdur. Heç bir, yəni həbsdə olan şəxslərin konkret olaraq tutulması üçün ortada faktlar mövcuddur. Siyasi məhbus məsələsindən artıq Azərbaycana qarşı kampaniyalardan istifadə ediblər ki, bu məqsədin nə olduğunu göstərir. Aydındır ki, hər hansı bir məhbusun hüquqlarının müdafiəsi məsələsindən söhbət getmir. Sadəcə olaraq siyasi təzyiq xarakteri daşıyır. İkinci məsələ isə Qarabağda erməni əhalisinin "zorla" çıxarılması məsələsi irəli sürüldü".

Bu sözləri Sonxeber.az-a açıqlamasında siyasi şərhçi Asif Nərimanlı deyib. O, bildirib ki, faktiki olaraq bütün proses nə insan haqlarının, nə də demokratik prinsiplərin qorunması məsələsidir.

" Sırf burada məsələ Qarabağdır. Bu proses isə həmin kampaniyanın davamıdır. Çünki Qarabağda erməni əhalinin zorla çıxarılması iddiası artıq göstərir ki, məqsəd heç də insan haqları deyil. Ermənistanın maraqlarının müdafiəsi və prosesdə rəsmi Bakıya təzyiq etmək məqsədi daşıyır. Qərb platformaları son vaxtlar Azərbaycana xüsusi təzyiq edir. Burada əsas məqsəd rəsmi Bakını öz mövqeyindən geri çəkmək, danışıqların qərb platformasında aparılmasına razı salmaqdır. Bu platforma bilirik ki, Ermənistanı gündəlik olaraq qəbul edib. Son Qranada görüşündə Azərbaycan iştirak etmədi. Bu isə faktiki sübut idi. Azərbaycan bunu qəbul etmir və öz mövqeyindən, milli maraqlarından çıxış edir. Qərb Cənubi Qafqazdakı maraqları naminə bu oyunu qurmağa çalışır. Görünür son vaxtlar həm Avropa İttifaqı səviyyəsində, həm də AŞPA səviyyəsində hesablanmış bir addımdır.

Asif Nərimanlının sözlərinə görə, bu qərarın seçki ərəfəsində qəbul edilməsi təsadüfi deyil. Bunun birdən çox səbəbi var:

"Seçki prosesində belə bir məsələnin gündəmə gətirilməsi göstərir ki, seçki ilə bağlı beynəlxalq səviyyədə ictimai rəy yaradılır. Seçki və seçkidən sonrakı ərəfədə görünür ki, Azərbaycana qarşı qarayaxma kampaniyaları davam edəcək. Avropa Şurası və AŞPA-nın seçkiyə dəvət edilməməsi məsələsini irəli sürürlər. Halbuki bununla bağlı rəsmi Bakı ümumiyyətlə beynəlxalq təşkilatların, beynəlxalq müşahidəçilərin iştirakında həmişə marağı olub. Buna qarşı onu deyə bilərik ki, Azərbaycan tərəfi, Mərkəzi Seçki Komissiyası dəfələrlə Avropa strukturlarına, beynəlxalq müşahidəçilərə azad edilmiş ərazilərdə səsvermə prosesində müşahidə aparmasını təklif edir və xahiş edir. Avropa strukturlarının heç biri bununla razılaşmır. Buna razılaşmırsa, niyə Azərbaycanın suverenliyini qəbul etməyən bu təşkilatlara şərait yaratmalıdır. Bu qərar ilə Azərbaycanın böyük şəkildə əziyyət çəkəcəyini və praktiki müstəvidə mənfi təsiri olacağını deyə bilmirik. AŞPA həm nüfuz baxımından, həm də qərarvericilik baxımından artıq kifayət qədər geriləyib. Bu təşkilat tək bizə qarşı yox, Türkiyə daxil olmaqla bir çox ölkəyə qarşı öz qərəzli mövqeyini göstərib və siyasi alətə çevrilib. 2017-ci ildə Avropa təşkilatları tərəfindən edilən araşdırmalardan aydındır ki, praktiki olaraq AŞPA-da şəbəkə qurulub. Bu şəbəkə AŞPA-nın siyasi maraqlarına çevrilib. Əsas hədəflərindən biri də Azərbaycandır. Bu baxımdan verilən qərar doğru və adekvatdır. Biz bu qərarı AŞPA-nın ifşası adlandıra bilərik".

Telegramda izləyin