Doğumdan sonra ataları tərəfindən satılan əkizlər 19 il sonra bir-birini tapdı - FOTOLAR

Gürcüstanda doğulduqdan sonra ataları tərəfindən iki fərqli ailəyə satılan əkiz qızlar 19 il sonra yenidən bir araya gəliblər.

Sonxeber.az xarici mənbəyə istinadən xəbər verir ki, əkiz qızlar TikTok sayəsində qovuşublar. Əkizlər Amy Xvitia və Ano Sartania yaxınlıqda yaşasalar da, bir-birlərinin varlığından xəbərsiz olub.

Qızların doğulduqdan sonra ayrı-ayrı ailələrə satıldığı iddia edilir. TikTok videosu və o cümlədən şoular sayəsində onlar 19 ildən sonra bir-birlərini tapıb.

Amy Xvitia televiziyada yayımlanan realiti şouda qızlardan birinin ona çox bənzədiyini görüb. Bir neçə il sonra isə Sartania TikTok-da Xvitiyanın videosu ilə qarşılaşıb.

Oxşarlıqları ilə maraqlanan Sartania onu sosial mediada axtarmağa başlayıb və nəhayət "Facebook" vasitəsilə onunla əlaqə saxlayıb.

BBC-nin məlumatına görə, əkizlər həqiqəti öyrəndikdən sonra övladlığa götürən ailəsi ilə üz-üzə gəliblər.

Hər iki ailə onlara övladlığa götürdükləri körpənin istənilmədiyini və qızlarının əkiz olması barədə heç bir məlumatı olmadığını deyiblər.

Telegramda izləyin