Kadırov 14 övladını və qohumunu hökumətdə yüksək vəzifələrə təyin edib

Ukrayna müharibəsində Vladimir Putinə böyük dəstək verən Çeçenistan lideri Ramzan Kadırov övladlarını hökumətdə mühüm vəzifələrə təyin etməkdə davam edir.

Sonxeber.az xarici mənbəyə istinadən xəbər verir ki, Kadırov 24 yaşlı qızı Kadizat Kadirovanı hökumətdə vitse-prezident təyin edib. Qərar hökumətin sosial media hesabında elan edilib.

47 yaşlı keçmiş milis lideri oktyabr ayında əvvəllər mədəniyyət naziri olmuş 25 yaşlı qızı Ayşatı baş nazirin müavini təyin edib. Kadırovun böyük oğlu 18 yaşlı Əhməd idman və gənclər nazirinin müavini olub.

Çeçenistan rəhbərinin kürəkəni kənd təsərrüfatı naziri, qaynı isə nəqliyyat naziridir. Bununla yanaşı o, 27 yaşlı qardaşı oğlu Həmzəti təhlükəsizlik məsələləri üzrə müşaviri edib.

Kadırovun 14 övladının əksəriyyəti və onların qohumları hazırda hökumətdə yüksək vəzifələrdə çalışırlar.

Çeçenistan lideri son vaxtlar şişmiş üzü və qeyri-sağlam görünüşünə görə "ölüm yatağında" olduğu iddiaları ilə gündəmdədir, lakin bu xəbərlər təsdiqini tapmayıb.

Telegramda izləyin