Hava ilə bağlı XƏBƏRDARLIQ - "Vaxt azalıb"

Avstraliya və ABŞ tədqiqatçıları son 300 ildə okean və havanın temperaturunda dəyişiklikləri müəyyən etmək üçün Karib dənizindəki dəniz süngərləri (Dəniz süngərləri dənizin dibində yaşayır. Hərəkət etmirlər. Dənizin bu sualtı sakinləri möhkəm bir səthə yapışırlar və hər zaman bir yerdə yaşayırlar) üzərində araşdırmalar aparıblar.

BAKU.WS xəbər verir ki, araşdırmalar zamanı qlobal istiləşmənin vaxtından tez başladığı müəyyən edilib.

Bu barədə "The Associated Press" məlumat yayıb.

Qlobla istiləşmə 1,5 dərəcəyə 1,7 dərəcəyə qədər artıb.

Bundan sonra dünya əhalisinə qlobal istiləşmənin həlli üçün "vaxt azalıb" xəbərdarlığı edilib.

Avstraliyalı tədqiqatçı Malcolm McCulloch və amerikalı Moss Winter, qlobal istiləşmənin Hökumətlərarası İqlim Dəyişikliyi Paneli (IPCC) tərəfindən proqnozlaşdırıldığından daha erkən başlaması məntiqli olduğunu söylədi, çünki sənaye inqilabı 1800-cü illərin ortalarında başlayıb.

Vaxtın tükəndiyini xəbərdar edən McCulloch və Winter, əldə etdikləri nəticələrin iqlim dəyişikliyinin sürətləndiyi nəzəriyyəsini dəstəklədiyini bildirdilər.

Digər tərəfdən, bəzi alimlər də araşdırmada nöqsanlar olduğunu qeyd edərək nəticələrin etibarlılığını şübhə altına alırlar.

Pensilvaniya Universitetinin Dünya Sistemləri Elmi Mərkəzinin direktoru Michael Menn, bir bölgədə aparılan araşdırmanın çox qeyri-müəyyən olacağını söylədi.

Sözügedən araşdırma, "Nature Climate Change" jurnalında dərc edilib.

Telegramda izləyin