Rusiya bu ölkələrdən silahı dərhal alır, biz isə... - Danilov

Demokratik ölkələr, avtoritar ölkələrdən fərqli olaraq, hərbi və maliyyə dəstəyi göstərmək üçün lazımi prosedurlardan keçir, ona görə də yardım gecikə bilər.

Bu barədə Ukrayna Milli Təhlükəsizlik və Müdafiə Şurasının katibi Aleksey Danilov deyib.

Onun fikrincə, demokratik dövlətlərdə demokratik prosedurlar olmalıdır:

"Əlbəttə, biz onların çox sürətlə hərəkət etmələrini istərdik, lakin bu, demokratiyanın bir elementidir - yardım almaq üçün lazım olan bütün prosedurların mərhələli şəkildə tamamlanması gərəkdir".

O qeyd edib ki, silahların ötürülməsinə gəlincə, avtoritar ölkələr üçün bu, çox asandır:

"Orada heç bir prosedur yoxdur, əhalinin, seçicilərin rəyi ilə maraqlanmırlar. Ona görə də avtoritar liderlər qısa müddət ərzində istənilən qərarları qəbul edə bilirlər. Məsələn, Rusiyaya ukraynalı uşaqları öldürmək üçün silah göndərən İran və Şimali Koreya".

Mənbə: axar.az

Telegramda izləyin