Türkiyədə iş saatının azaldılması təklif olunur

Türkiyə hökuməti əmək məcəlləsinə iş həftəsini 48 saatdan 35-40 saata endirə biləcək qanunvericilik dəyişiklikləri hazırlamağa başlayıb.

BAKU.WS "Sabah" qəzetinin məlumatına istinadən xəbər verir ki, hakimiyyət sektorlara görə fərqlənən əmək qanunlarını birləşdirməyi və məşğulluq sektoru üçün hərtərəfli və vahid tənzimləmə hazırlamağı planlaşdırır.

Ölkədə iş norması 1936-cı ildə gündə 8 saat və həftədə 48 saat olmaqla təyin olunub. 2003-cü ildə əmək qanununa yenidən baxılıb, iş həftəsi 45 saat olub.

Hökumət bütün peşə qrupları üçün qaydaları unifikasiya etmək və norma kimi həftədə 35-40 iş saatı və yeni iş saatı qaydaları tətbiq etmək niyyətindədir. Bu dəyişikliklərin texnoloji inkişafın mövcud vəziyyəti nəzərə alınmaqla hazırlanması planlaşdırılır ki, bu da proseslərin səmərəliliyini artırmaqla əməliyyat vaxtını azaltmağa imkan verir.

Qeyd olunur ki, bu qaydalara yenidən baxılması işçilərin maraqları naminə aparılacaq.

Telegramda izləyin