Avtobusda yer istəyən qadına yumruq atan kişi sərbəst buraxıldı: "Əsəbi idim, peşmanam"

Türkiyədə avtobusda yer istəyən qadını yumruqlayan şəxs məhkəmə nəzarəti şərti ilə sərbəst buraxılıb.

Sonxeber.az xarici mediaya istinadən xəbər verir ki, həmin şəxs ifadəsində 6 yaşlı oğlunun psixi xəstə olduğunu və qadın sərnişinə əşyaları olduğu üçün yer verə bilmədiyini bildirib:

"Ona vəziyyəti izah etsəm də, qadın məni sözləri ilə təhrik etdi. Uşağımın gözü qarşısında məni danlaması səbəbi ilə baş verib. Peşmanam"- deyə ifadəsində qeyd edib.

Xatırladaq ki, ötən gün avtobusda qadın kişidən ona yer verməsini tələb edib. Kişi bu zaman qadına yumruq atıb. Qadının döyülməsi ilə bağlı şikayətindən sonra polis tərəfindən araşdırma başladılıb. Polis tərəfindən saxlanılan kişi "qəsdən xəsarət yetirmə" maddəsi ilə məhkəməyə sövq edilmişdi.

Telegramda izləyin