Dializ mərkəzində əlil qadına yumruq atdılar - Ailəsi şikatəçidir, xəstəxana isə təkzib edir

Türkiyənin Antalya şəhərində əqli qüsurlu qadının dializ üçün getdiyi mərkəzdə sol gözünə atılan yumruqla yaralandığını iddia edib.

Sonxeber.az xarici mediaya istinadən xəbər verir ki, qan donduran hadisəsi fevralın 23-də Türkiyənin Kəpəz rayonunda yerləşən özəl dializ mərkəzində baş verib.

Məlumata görə, baxım mərkəzində qalan əqli qüsurlu 64 yaşlı qadın dializ müalicəsi almaq üçün xəstəxanaya gedib. İddiaya görə, yaşlı qadın burada təmizlik işləri aparan naməlum şəxs tərəfindən hücuma məruz qalıb. Aldığı zərbədən yıxılan yaşlı qadının köməyinə digər əməkdaşlar gəlib. Dializ müalicəsindən sonra qocalar evinə qayıdan yaşlı qadının gözünün qaraldığını görən işçilər vəziyyəti onun böyük bacısına xəbər verib.

Qadının ailəsi cinayət işi açsa da, qurum hadisəni təkzib edib. Ailəsi isə təhlükəsizlik kamerası görüntüləri ilə bunu sübut edəcəklərini iddia edib. Hadisə ilə bağlı araşdırma başladılıb.

Telegramda izləyin