88 yaşlı kişi ilk dəfə ata oldu

"Heichal Torah Yeshiva"nın rəhbəri Ravvin Tzvi Kuşelevskinin ilk övladı dünyaya gəlib.

Sonxeber.az Lent.az-a istinadən xəbər verir ki, onun 88, uşağın anasının isə 57 yaşı var.

Cütlük təxminən 6 il əvvəl, Ravvin Kuşelevski dul qalanda evləniblər. Ümumilikdə, Ravvin ilk övladının dünyaya gəlməsinə qədər 55 il gözləməli olub.

Qeyd edək ki, kişilər demək olar ki, bütün həyatları boyu sperma istehsal etmək qabiliyyətinə görə qadınlardan əhəmiyyətli dərəcədə daha uzun müddət məhsuldar qala bilirlər. Qadın reproduktiv sistemindən fərqli olaraq, kişilərin məhsuldarlığı yaşla azalsa da, tamamilə dayanmır. Elə hallar var ki, kişilər kifayət qədər qoca, o cümlədən 88 yaşında ata ola bilirlər.

Eyni zamanda, bəzi amilləri nəzərə almağa dəyər. Belə ki, yaş artdıqca nəsillərdə genetik anormallıqlar və xəstəliklər riski artır və spermanın ümumi aktivliyi azalır.

Telegramda izləyin