Yanğınsöndürən alovlar arasında qalaraq, hündürlükdən yerə yıxıldı -VİDEO

Yanğına müdaxilə edən yanğınsöndürən alovlar arasında qalaraq hündürlükdən yıxılıb.

Sonxeber.az xarici mediaya istinadən xəbər verir ki, hadisə Türkiyənin Diyarbəkir rayonunda baş verib.

Belə ki, Diyarbakırın Kayapınar rayonunda 11 mərtəbəli binanın damında baş verən yanğına müdaxilə edən yanğınsöndürən alovlar arasında qalaraq hündürlükdən yıxılıb.

Yanğın axşam saatlarında Kayapınar rayonunda yerləşən 11 mərtəbəli binanın çardağında baş verib. Xəbər verildikdən sonra əraziyə xilasetmə, sağlamlıq və polis qrupları sövq edilib. Qısa müddətdə yanğın böyüdüyü üçün mənzil sakinləri təxliyə edilib. Hadisə yerinə gələn polis qrupları binanın ətrafını boşaldıb, yanğınsöndürənlər isə yanğına müdaxilə edib.

Bu arada damı əhatə edən alov yanğınsöndürmə briqadalarının sıx müdaxiləsi ilə nəzarət altına alınıb. Söndürmə işləri əsnasında tüstüdən təsirlənən 5 yanğınsöndürən xəstəxanaya aparılıb və onlara tibbi yardım göstərilib. Yanğının səbəbinin müəyyən edilməsi üçün araşdırma başladılıb.

Telegramda izləyin