Bazarlarda durğunluq: Çilçıraq erası başa çatır? - REPORTAJ

Bazarlarda durğunluq: Çilçıraq erası başa çatır? - REPORTAJƏvvəllər əsasən, cehiz bazarlığında çilçıraqlar önəmli əşyalardan hesab olunurdu. Hamı ən yaxşısını, ən keyfiyyətlisini almağa çalışırdı. İndi vəziyyət dəyişib. LED işıqların meydana çıxması ilə çilçıraqlar bir çox insanlar tərəfindən keçmişin yadigarları hesab edilir.

Çilçıraq deyəndə ilk olaraq məşhur filmlərdən kadrlar yada düşür. Məsələn, "Qaynana" filmində Afətin Cənnət xalanın təsbehini çilçıraqdan asması, Cənnət xalanın "Ay bu lüstr qırıla düşə bunun təpəsinə, nə ürəyimdən tikan çıxardı..." replikası üzümüzü güldürür. Yaxud "İşdə məhəbbət macərası" filmində Lüdmila Prokofyevnanın Anatoli Novoselsevin gəlişi münasibətilə çilçırağı təmizləməsi səhnəsi çilçırağın evimizdə nə qədər əhəmiyyətli əşya olduğunu göstərir. Müasir dövrdə də evə qonaq gəlirsə, ilk olaraq çilçıraqlar parıldadılır, təmizlənir.
Təsadüfi deyil ki, çilçıraqlar evin zinət əşyaları hesab olunur. Çünki adı çəkiləndə, çoxlarının ağlına möhtəşəmlik, dəbdəbə, parıltı gəlir. Müasir dünyada isə dəbdəbəli çilçıraqları daha müasir, minimal əşyalar əvəz edir. Bəs evlərimizin ləl-cəvahiratlarının bazardakı vəziyyəti necədir?

"Kaspi" qəzeti mövzu ilə bağlı məqalə dərc edib.

Çilçıraq bazarındakı qiymətlər

Bir müddət öncə mətbuatda üç ölkədən çilçıraq tədarükünü bərpa etdiyimizlə bağlı xəbər yayılmışdı. Bu tədarük Azərbaycan çilçıraq bazarına necə təsir edib? Ən əsası, istehlakçı evini işıqlandırarkən nələrə diqqət etməlidir?

Əvvəlcə bazardakı qiymətlərlə maraqlandıq.

Bazardakı çilçıraqların qiymətləri iyirmi manatdan başlayır, iki, üç min manata qədər davam edir. Təbii ki, bazarda materialına, daş-qaşına görə, daha baha çilçıraqlar da mövcuddur. Satıcılar deyir ki, hazırda alıcılar daha çox modern üslublu, göstərişli olmayan çilçıraq almağa üstünlük verirlər, amma klassik çilçıraqların da alıcıları az deyil.

Çilçıraq tədarükü ilə məşğul olan şəxslərdən aldığımız məlumata görə, elektrik avadanlıqlarının, işıqlandırma sistemlərinin (lüstr, lampa, led sistemləri) 95 faizi idxaldan asılıdır. Məhz bu səbəbdən son vaxtlar bu bazarda da bahalaşma müşahidə olunur: "Bunun ilkin səbəbi logistika, karqo şirkətlərinin daşınma xərci və gömrük rüsumlarının artmasıdır. Ötən ilin ikinci yarısından çilçıraq bazarında bahalaşma var".

Çilçırağı bahalaşdıran səbəblər nələrdir?

Son vaxtlar türk saytlarından da çilçıraq alanları müşahidə edirik. Qiymətlər arasında ikiqat fərqlər olduğu üçün geyim məhsullarında olduğu kimi, bəzi insanlar ev əşyalarını, işıqlandırma sistemlərini də onlayn alırlar.

Çilçıraq satışı ilə məşğul olan Rəhman deyir ki, bu, geyim kimi kütləvi olmadığı üçün satışda ciddi fərq yoxdur: "Hələ ki türk saytlarının bu sistemlərə elə də təsiri yoxdur. Çilçıraq elə əşyadır ki, müştəri yerində baxır, seçim edir. İşıq sistemlərinin gətirilməsi o qədər sərfəli deyil. Amma bazarda durğunluq var. Maraq əvvəlki səviyyədə deyil. Malın yerində bahalaşması qiymətə ciddi təsir etmir. Amma daşınma xərcləri, gömrük rüsumları, yer pulunun qalxması, bu ildən vergi yükünün artması kimi xərclər malın qiymətini artırır".

Çilçıraq erası başa çatır?

Satıcı deyir ki, çilçıraq erası başa çatmaq üzrədir: "Əvvəllər əsasən, cehiz bazarlığında çilçıraqlar önəmli əşyalardan hesab olunurdu. Hamı ən yaxşısını, ən keyfiyyətlisini almağa çalışırdı. İndi vəziyyət dəyişib. LED işıqların meydana çıxması ilə çilçıraqlar bəzi insanlar tərəfindən keçmişin yadigarları hesab edilir. İndi müasir işıqlar, tam modern formalar dəbdədir. Gənclərin seçimi əsasən, sadəlikdən yana olur, yaşlı nəsil isə klassikaya meyil edir".

Evinizin makiyajı

İşıqlandırmanı evin makiyajına da bənzədir mütəxəssislər. Evin gözəl görünməsi onun "makiyaj"ından asılı olur. Hesab edilir ki, çilçıraqlar evinizin ümumi üslubunu dəyişdirməyin ən asan vasitələrindən biridir. Bəs biz istədiyimiz çilçırağı alıb, istənilən otağa quraşdıra bilərikmi?
Mütəxəssislər deyir ki, salon üçün çilçıraq seçəndə diqqət edilməli olan əsas məqam seçiminizin salonu nə dərəcədə doldurmasıdır. Çünki salonlar əsasən evin ən böyük sahələri olur. Buna görə işıqlandırma yaxşı olmalıdır.

Mətbəx üçün çilçıraq seçərkən mətbəxdən necə istifadə edəcəyinizi nəzərə almalısınız. Mətbəxlər müasir dövrdə yalnız yemək bişirmək, yaxud tək qadınların istifadə etdiyi məkan deyil. Ona görə mətbəxin işıqlandırılması da mühüm məsələdir. Mətbəxlər buxar və rütubətin ən çox cəmləşdiyi yerlərdir. Bu səbəbdən çılpaq lampalar şəklində olan çilçıraqlar mətbəxə uyğun deyil.

Uşaq otağında çilçıraq seçiminə gəldikdə isə, burada parlaq işıqlardan istifadə etmək düzgün deyil: "Gün işığını idarə edə biləcək şəkildə çilçıraq seçmək lazımdır. Uşaqlar, xüsusən də yeni doğulmuş körpələr günün çox hissəsini yatmaqla keçirdikləri üçün daha qaranlıq mühitə ehtiyac duyurlar. Bu səbəbdən uşaq otaqlarının bir az qaranlıq olması daha uyğundur".

Səhv çilçıraq seçiminin fəsadları nədir?

Elektrik mütəxəssisi Azad Qeybullayev deyir ki, çilçıraq alınanda əsas diqqət edilməli olan məqam patronlarıdır: "Patronlar plastmas deyil, keramik (farfor) olmalıdır. Lampanı bağlayanda qızma verməməlidir. Qızma verdikdə, bir ay müddətində lampa yanır. Nəinki lampa, açıb baxanda görürsən ki, patronun yeri də yanıb. Çilçıraq tavana bağlananda diqqətli olmaq lazımdır. Bəzən ağır çilçırağı alçipandan asırlar. Belə olduqda müəyyən vaxtdan sonra çilçıraq insanların başına düşə, ciddi fəsadlar yarada bilər".

Çilçıraqlar evdə yanğına səbəb ola bilərmi?

"Səhv bağlanan çilçıraq evdə yanğına səbəb ola bilərmi?" sualını verdikdə isə, mütəxəssis belə hadisələrlə dəfələrlə rastlaşdığını bildirir: "Məsələn, çilçırağı bağlayanda kabellərlə zərif davranılmır, dartılır, yaxud kabel yerinə düzgün yerləşdirilmir. Kabel çox dartılanda sıyrılır və korpusa toxunur. Müəyyən vaxtdan sonra yaranan qığılcımlar alışma verib, yanğına səbəb ola bilər".

Son vaxtlar LED işıqlardan istifadəyə gəldikdə isə, mütəxəssis vurğulayır ki, onlar daha təhlükəsizdir: "Ledlər müəyyən lampalara görə yaxşıdır. Çünki onlar istiliyi çox sevmir və qızma vermir. Adi lampalar öz ölçülərinə görə güclü qızır, patronları tez sıradan çıxarırdı. Ona görə də, farfor patronlar istehsal edildi ki, qızmaya dözə bilsin".


Sonxeber.az Telegramda izləyin instagramda izləyin
Maraqlı   Baxılıb: 738   Tarix: 07 aprel 2024  

Şikayətiniz varsa Whatsapp: 051 7028255

Facebookda Paylaş


Xidmetler

Oxşar xəbərlər

.

Təyyarədə eniş zamanı yatmaq qəti qadağandır – SƏBƏB

İnsanlar tez-tez təyyarədə yatmağa, istirahət etməyə və vaxt keçirməyə çalışırlar. Ancaq uçuş zamanı yatmaq düzgün hesab edilmir. Bunun səbəbini isə az adam bilir. "Best life" portalına istinadən xəbər verir ki, enişlər uçuşun kritik mərhələsidir. Stüardessa Ali Pedrozanın sözlərinə görə, b

20 may
.

Köhnə avtomobil sahiblərinə hansı güzəştlər ediləcək?

Artıq neçə müddətdir ki, köhnə, ekoloji cəhətdən zərərli sayılan avtomobillərə sahib olanlar səksəkədədirlər. Kimisi avtomobillərinin məcburi şəkildə əlindən alınacağını düşünür, kimisi icbari utilizasiyadan danışır. "Kasıbın maşını olmayacaq" deyənlər də az deyil. Ötən həftə isə mətbuatd

19 may
.

Qətl və işgəncə videolarına maraq artır - Psixiatrdan AÇIQLAMA

Sosial şəbəkələrdəki müşahidələrdən görünür ki, gerçək qətl hadisələrinə, işgəncə kadrlarına baxanların sayı durmadan artır. İnsanlar sosial şəbəkələrdə qarşılaşdıqları bu cür videoları dost tanışları ilə də paylaşmaqdan zövq alırlar. Nəticədə belə görüntülər qısa zamanda yayılır. Bəs, insanlar bu videolar

26 may
.

Amerikalı qız başqa ölkəyə köçdü, adını dəyişdi: Maraqlı SƏBƏB

Avstraliyada iş vizası ilə yaşayan Kaliforniyadan olan 22 yaşlı Devin Heylz qida ilə əlaqəli gülünc vəziyyətə görə adını Dev olaraq dəyişmək məcburiyyətində qalıb. -ın xarici KİV-ə istinadla xəbərinə görə, hekayə Devin "TikTok" hesabında paylaşdıqdan sonra viral olub. Müqəddəs Patrik gününd

19 may
.

Telefonun enerjisini uzun müddət saxlamağın 8 yolu

Müasir smartfonlar funksionallığı ilə heyranedicidir, lakin onların batareyaları tez-tez proqramların intensiv istifadəsi və tez-tez proqram yeniləmələrinin öhdəsindən gələ bilmir və bir çox istifadəçi smartfonunu çox tez, bəzən hətta gündə bir neçə dəfə doldurmalı olur. smartfonların sarjının tez boşalmamas

20 may
.

Bu 3 sualı kişilərə verməməlisiniz: Münasibətinizi məhv edəcək

Cütlüklərin bütün sualları onları bir-birinə yaxınlaşdıra bilməz - bəziləri, əksinə, yalnız münasibətləri poza bilər. xarici KİV-ə istinadən həmin sualları təqdim edir:. Məni sevirsən?. Ola bilsin ki, bu üç əziz söz münasibətin ən əvvəlində deyilə bilər, amma birlikdə keçirdiyiniz vaxt illərlə dava

19 may
.

"Whatsapp"da çox yazışmaq sizi öldürə bilər

SMS, "Whatsapp", "messenger" yazışma və video oyunlar insanın ölümünə səbəb olur. xarici KİV-ə istinadən xəbər verir ki, Britaniya araşdırmaçıları bu qənaətə gəliblər. Onlar müəyyən ediblər ki, belin əyilməsi və qamətin pozulması insan ömrünü qısaldır. Bu zaman ürək və tənəffüs orqanlar

26 may
.

Arvad ərinin xəyanətini itini baytara aparanda öyrəndi

Amerikada gənc qadın yoldaşının xəyanətini baytarda aşkarlayıb. xarici KİV-ə istinadən xəbər verir ki, qadın itinin narahatlığını müəyyən etmək üçün baytara aparıb. Rentgen müayinəsi zamanı itin mədəsində tıxanıqlıq aşkarlanıb və əməliyyat zamanı qəbizliyin səbəbini müəyyən etmək mümkün olub. Klinikay

25 may
.

Dünyanın ən uzun telefon danışığı: 54 saatdan çox

Ən uzun telefon danışığı rekordu 2012-ci ildə qeydə alınıb. Telefon danışığı 43 saatı keçib. Sonxeber -a istinadən xəbər verir ki, daha sonra Latviyanın "SponsorKing" reklam agentliyi və tanınmış telekommunikasiya operatoru əvvəlki dünya rekordunu qırmaq məqsədi ilə müsabiqə təşkil ediblər

19 may