Cavanlar azalır, qocalar çoxalır: Dünyada proses necə gedir? - ARAŞDIRMA

Cavanlar azalır, qocalar çoxalır: Dünyada proses necə gedir? - ARAŞDIRMAAzərbaycanda əhalinin hər 1 000 nəfərinə düşən doğulan körpə sayı azalır. Bu ilin yanvar ayında Ədliyyə Nazirliyinin rayon (şəhər) qeydiyyat şöbələri tərəfindən 8 389 doğulan körpə qeydə alınıb. Bununla da ötən ilin müvafiq ayı ilə müqayisədə əhalinin hər 1 000 nəfərinə düşən doğulan uşaq sayı azalaraq 11,5-dən 9,7-yə düşüb.

Məlumdur ki, təkcə Azərbaycan deyil, dünyanın bir çox ölkələrində bu proses gedir. Doğulan uşaqlar azalır, yaşlıların sayı çoxalır. Maraqlıdır, bu proses dünyanı hansı istiqamətə aparır? Doğulan körpə sayının azalması həqiqətən narahatedici faktordur, yoxsa buna təbii proses kimi yanaşmalıyıq?

"Kaspi" qəzetinin mövzu ilə bağlı məqaləsini təqdim edirik:

Ölkə əhalisi əsrin sonuna qədər azalacaq

Ailə, Qadın və Uşaq Problemləri üzrə Dövlət Komitəsinin Uşaq problemləri şöbəsinin müdir müavini Günel Nağdaliyeva də təsdiqləyib ki, son illər bir çox ölkələrdə doğuş nisbəti və ya bir qadının dünyaya gətirdiyi orta uşaq sayı aşağı düşür:

Mütəxəssislərin fikrincə, doğum nisbətində azalma tendensiyası davam edərsə, demək olar ki, bütün ölkələrin əhalisi əsrin sonuna qədər azala bilər:

"Bu dəyişiklik müasir dövrdə qadınların təhsilə və iş həyatına üz tutması, habelə ailə planlaması ilə bağlı məlumatların daha əlçatan olması ilə də səciyyələndirilir. Bununla yanaşı, dünyanı bürüyən müxtəlif yoluxucu xəstəliklər nəticəsində ölüm hallarının artması, boşanma sayında müşahidə olunan çoxalmalar, nikahların isə əvvəlki illərlə müqayisədə azalması təbii artımın qarşısını alan başlıca faktorlardandır".

Ölkəmizdə ən yüksək doğum göstəricisi

Qurum rəsmisi qeyd edib ki, ölkəmizdə ən yüksək doğum göstəricisi 1990-cı ildə qeydə alınıb:

"Belə ki, həmin ildə diri doğulan körpələrin sayı 182 989 nəfər olub. 2022-ci ilə dair statistik göstəricilərə baxdıqda, 2021-ci illə müqayisədə müəyyən artım müşahidə edilir. Belə ki, Azərbaycanda 2021-ci ildə 112 284, 2022-ci ildə isə 122 846 nəfər körpə doğulub".

Dünyada proses necə gedir?

ABŞ-nin Vaşinqton Universitetinin tədqiqatçıları müəyyən ediblər ki, ölkələrin dörddə üçündə 2050-ci ilə qədər əhalinin sayı azalacaq. Həmçinin Ümumdünya Səhiyyə Təşkilatının üzvləri "The Lancet"də dərc olunmuş müstəqil şərhlərində doğulan uşaq sayının azalmasının müsbət və mənfi cəhətlərini araşdırıblar. Mütəxəssislər deyirlər ki, doğulan uşaq sayının azalması əhalinin artması, ətraf mühit, ərzaq təhlükəsizliyi, sağlamlıq, iqlim dəyişikliyi və biomüxtəliflik baxımından fayda gətirə bilər, lakin səhiyyə, pensiya, sosial təminat, işçi qüvvəsi və geosiyasətə mənfi təsir göstərəcək.

Nə üçün insanlar uşaq dünyaya gətirməkdən çəkinirlər?
Dünyanı silkələyən bu vəziyyətin səbəblərinə gəldikdə isə iqtisadi vəziyyət, xəstəliklər, uşaq yetişdirmənin tələb etdiyi xərclər, doğuş planlamasının əlçatan olması və qadınların maariflənməsi göstərilir.

Bu vəziyyətdən narahat olmayan, əhalinin sayının azalmasını ətraf mühit üçün müsbət hal kimi qiymətləndirənlər də az deyil. Çünki düşünürlər ki, dünya əhalisi azaldıqda, əhali karbon emissiyalarını azaldacaq və meşə sahələri daha az məhv olacaq. Lakin təbii olaraq, əhalinin strukturunun dəyişməsi və yaşlıların sayının artmasının mənfi təsirləri daha çoxdur. Tədqiqatlar əhalinin strukturu ilə bağlı təəccüblü proqnozları ortaya qoyur.

401 milyon uşaq, 866 milyon yaşlı

Beş yaşa qədər dünya əhalisi 2017-ci ildəki 681 milyondan 2100-cü ildə 401 milyona, 80 yaşdan yuxarı dünya əhalisi 2017-ci ildəki 141 milyondan 2100-cü ildə 866 milyona yüksələcək. Tədqiqatçılar 2100-cü ilə qədər ölkələrin 97 faizində ümumi doğuş nisbətinin aşağı düşəcəyini proqnozlaşdırırlar. Məsələn, 2021-ci ildə bir qadına düşən doğuş nisbəti 2,23 olduğu halda, 2050-ci ildə bu rəqəmin 1,68-ə, 2100-cü ildə isə 1,57-yə düşəcəyi deyilir.

"Gənclər nəsil artırmaq, məsuliyyət, öhdəlik götürmək istəmirlər"

Azərbaycandakı əhalinin doğum səviyyəsi ilə bağlı açıqlanan statistika da onu göstərir ki, Avropa ölkələrindəki təklik, yalnızlıq hissi bizə də sirayət edir.

Psixoloq Nizami Orucov da təsdiqləyib ki, son vaxtlar ailə dəyərlərini yeniləri əvəzləyir:

"İnsan sosial varlıqdır, onun təkliyə çəkilməyinin sonu əksər vaxtlarda yaxşı nəticələnmir. Məhz təklik səbəbindən inkişaf etmiş ölkələrdə intiharların sayı artır. Təəssüf ki, bizim də ailə modelimiz ona doğru gedir. Bu, hedonizm fəlsəfəsidir. Hedonizm insanın öz hərəkətlərini ona həzz verəcək bir şəkildə planlaşdırması gərəkdiyini, həmişə həzz verənə yönəlmənin ən uyğun davranış şəkli olduğunu müdafiə edən fəlsəfi cərəyandır".

Psixoloq bildirib ki, bu gün gənclərin ailə qurmamasının və övlad sahibi olmamasının da kökündə hedonist düşüncə dayanır:

"Gənclər nəsil artırmaq, məsuliyyət, öhdəlik götürmək istəmirlər. İnsan həyata zövq mənbəyi kimi baxmağa çalışır. Orada nə ər, nə qadın, nə uşaqlar, nə ailə rol oynayır. Bundan əlavə, ikinci əsas məsələ gənclərin gözünün evlilikdən qorxmasıdır. Bizə gələn məktublardan bu görünür ki, əməlli-başlı ailə qurmağa qorxurlar. Ya öz ana-atalarının münasibətlərinə baxıb evlilikdən iyrəniblər, ya real həyatda ətrafında baş verən hadisələrdən qorxublar. Xəyanət, aldadılma, uğursuz seçim, yaxud da "evlənsəm bədbəxt olaram" qorxusu onları bu qərardan uzaqlaşdırır. Müasir həyatın informasiya bolluğu bizim həddindən artıq tərəddüd keçirməyimizə səbəb olur".

Yaşlıların çoxluq təşkil etdiyi dünya necə ola bilər?

Mütəxəssislər 21-ci əsrdə dünyanın sarsıdıcı sosial dəyişikliklərlə rastlaşacağını vurğulayıblar. Maraqlıdır, yaşlıların çoxluq təşkil etdiyi dünya necə ola bilər? Professorlar aşağıdakı suallar qarşısında narahatdırlar: Yaşlı əhalinin çoxluq təşkil etdiyi ölkələrdə vergini kim ödəyəcək? Yaşlılara qayğı və sağlamlıq xidmətləri necə maliyyələşdiriləcək? Onların baxımını kim həyata keçirəcək? Bu baş versə, insanlar təqaüd ala biləcəklərmi? Bu sualların dəqiq cavabını zaman verəcək.


Sonxeber.az Telegramda izləyin instagramda izləyin
Maraqlı   Baxılıb: 1030   Tarix: 12 may 2024  

Şikayətiniz varsa Whatsapp: 051 7028255

Facebookda Paylaş


Tezbazar.az elanlar sayti

Oxşar xəbərlər

.

Yer nüvəsinın fırlanma sürəti azalır

Yerin daxili nüvəsinın fırlanması tədricən ləngiyir və Yer səthindən daha yavaş hərəkət edir. Bu qənaətə ABŞ və Çin alimləri gəliblər. "Yerin daxili nüvəsinin hərəkəti iyirmi ildir ki, elmi ictimaiyyət tərəfindən müzakirə edilir, bəzi tədqiqatlar hətta daxili nüvənin Yer səthindən daha sürətli fırlandığın

16 iyun
.

Bacılar 70 il sonra qovuşdular

70 yaşlarında olan bacılar DNT-ləri uyğunlaşdıqdan sonra bir-birlərini tapıblar. xarici KİV-ə istinadla bildirir ki, İngiltərənin Uayt adasından olan 76 yaşlı Cozi Morey, Liverpuldan 77 yaşlı Cim Makloflin və kanadalı 74 yaşlı Lorreyn Uilyams Sauthemptondakı oteldə qarşılaşıblar. Liverpulda anadan ola

15 iyun
.

Xəyanətinin üstü açılan britaniyalı kişi buna görə "Aplle"ı məhkəməyə verdi

Uzun illər həyat yoldaşına xəyanət edən britaniyalı kişi "Apple" şirkətini məhkəməyə verib. İddia ərizəsinə səbəb kişinin fahişələrlə yazışmalarının evdəki kompüterində aşkarlanması olub. Britaniyalı kişi qadınlarla "iMessage" vasitəsilə əlaqə saxladığını və görüşlər təyin etdiyini

16 iyun
.

Saqqızın QORXUNC ZƏRƏRİ – İnfarkt riskini ARTIRIR

Saqqız və diş məcununun tərkibindəki ksilitol maddəsi infarkt riskini artırır. Bizim.Media "TRT Haber"-ə istinadən xəbər verir ki, insan və siçan üzərində təcrübə aparan tədqiqatçılar müəyyən ediblər ki, ksilitol qanda trombositlərin laxtalanmasını sürətləndirir. Diabet xəstələrinin və ya arıqlama

20 iyun
.

Nigeriya kralının oğlu ilə evlənən türk qızının GÖRÜNTÜLƏRİ ÇOX DANIŞILDI - VİDEO

Türkiyəli qız Nigeriya kralının oğlu ilə ailə həyatı qurub. türk mediasına istinadən xəbər verir ki, Mərmərə Universitetində təhsil alan gənc qızın həyat 2017-ci ildə dəyişib. Lakin onun sevdiyi adam nigeriyalı idi. Onların mədəniyyətləri, yaşayışları və dilləri çox fərqli idi. Cansu nigeriyalı əri il

21 iyun
.

Səni nə gözləyir? - Bu şəkillərdən birini seç

Bəzən həyat tərzimizə, seçimlərimizə şüuraltımızda qalan və fərqində olmadığımız məlumatlar çox təsir edir. Şəkillərdən birini seçməklə şüuraltında hansı düşüncələr yatmasından və yaxın günlərdə sizi nələrin gözləməsindən xəbərdar ola bilərsiniz. növbəti psixoloji testi təqdim edir. Zəng - Bu şəkli seçməyini

15 iyun
.

Dibçəklərə dəfnə yarpağı qoyun – Bir çoxlarının bilmədiyi sirr

Dibçəkdə əkilən bitkilərin yaxşı inkişaf etməsi və zərərvericilərin hücumuna məruz qalmaması üçün onlara yaxşı qulluq etmək lazımdır. -a istinadən bildirir ki, bunu etmək üçün hər bir çiçəyin xüsusiyyətlərini bilməli, optimal şəraiti qorumalı, suvarma qaydalarını unutmamalı və vaxtında qida əlavə etməlisiniz

16 iyun
.

Kişilərdə saç tökülməsinin qarşısını necə almaq olar? - Həkim məsləhəti

"Androgen alopesiyanın (saç tökülmə) qarşısını almaq mümkün deyil, lakin düzgün müalicə üsulları ilə onu zəiflətmək olar". Bu barədə rusiyalı terapevt, dermatoloq Alena Parşina danışıb. Androgen alopesiya bir qrup hormonun, o cümlədən testosteron və onun törəmələrinin təsiri nəticəsində ba

16 iyun
.

Ağcaqanadlar bəzi insanları niyə daha çox dişləyirlər?

"Bir insanın ağcaqanad üçün cəlbediciliyi dərisində yaşayan mikroblardan asılıdır". Bu sözləri rusiyalı allerqoloq-immunoloq Elvina Davlyatova deyib. "İnsanın ağcaqanad üçün cəlbediciliyinə təsir edən ən mühüm amillərdən biri də insanların tərlədikləri zaman buraxdıqları istilik və karbo

16 iyun