G20-də dəyəri ÜDM-dən yüksək olan yeganə şirkət məlum olub

İyirmilik (G20) ölkələri arasında yalnız Səudiyyə Ərəbistanının neft və qaz şirkəti "Saudi Aramco" öz ölkəsinin ümumi daxili məhsulunu (ÜDM) üstələyən kapitallaşmaya malikdir.

Açıq statistik məlumatlara əsasən, bu həftənin əvvəlində "Saudi Aramco"nun bazar dəyəri 1,933 trilyon dollar təşkil edib ki, bu da Səudiyyə Ərəbistanının ÜDM-dən 1,7 dəfə çoxdur.

Şirkətin ən yaxın izləyiciləri Cənubi Koreya nəhəngi "Samsung" (379,9 milyard dollar) və Argentinanın elektron ticarət şirkəti "MercadoLibre" (82,7 milyard dollar) xeyli geridədir. Onların kapitallaşması Cənubi Koreya və Argentina ÜDM-nin müvafiq olaraq 22% və 14%-ni təşkil edir.
Eyni zamanda, G20-dən kənarda bu göstərici üzrə lider Danimarkanın əczaçılıq şirkəti "Novo Nordisk"dir. Onun kapitallaşması (567,56 milyard dollar) Danimarka iqtisadiyyatının toplam dəyərindən 1,4 dəfə yüksəkdir.(oxu.az)

Telegramda izləyin