Müəmmalı qətlin üstü 16 ildən sonra açıldı:Təkərin içində yandırıb...

Türkiyədə müəmmalı qətlin üstü 16 ildən sonra açılıb.

Sonxeber.az xarici mediaya istinadən xəbər verir ki, hadisə Türkiyədə baş verib.

Qaziantepdə 16 il əvvəl törədilmiş cinayətin sirri üzə çıxıb. 16 il əvvəl yoxa çıxan və bir daha ondan xəbər alınmayan Erdal Öztürkün öldürüldüyü məlum olub.

Həmin şəxsin dini nikahlı həyat yoldaşının ailəsi tərəfindən döyüldüyü, daha sonra təkərdə yandırılaraq 6 metr dərinlikdə basdırıldığı məlum olub.

Nəzarətə alınan 4 şübhəli dindirilərkən ailə mübahisəsindən sonra Erdal Öztürkü tarlada döydüklərini, daha sonra yandıraraq 6 metr dərinlikdə basdırdıqlarını etiraf ediblər.

Şübhəlilərin dedikləri ərazidə yerin 6 metr dərinliyində yandırılmış Erdal Öztürkün sümük parçaları və təkər parçaları tapılıb. Cinayətkarlar hakim qərarı ilə həbs olunub.

Telegramda izləyin