Dünya üzrə orta ömür uzunluğu 5 il artacaq

2050-ci ilə qədər dünya üzrə orta ömür uzunluğu təxminən 5 il artacaq.

Ölkə.Az xarici KİV-ə istinadla xəbər verir ki, bu barədə "Lancet" tibb jurnalında araşdırma dərc olunub.

Araşdırma zamanı 204 ölkə və bölgədə qlobal ömür uzunluğu, sağlam ömür uzunluğu və ölüm nisbəti kimi meyarlar təhlil edilib.

2022-ci ildən 2050-ci ilə qədər kişilər üçün gözlənilən ömür uzunluğunun 4,9 qadınlar üçün isə 4,2 il artacağı proqnozlaşdırılır.

Kişilərin 76, qadınların isə 80 yaşa qədər yaşayacağı gözlənilir.

Qeyd olunur ki, bu artım ictimai səhiyyənin effektiv təşəbbüsləri sayəsində mümkün olacaq.

İnsanlar uzun ömür sürdükcə, onların sağlamlıq vəziyyətinin pis olduğu illərin sayının da artması gözlənilir. Qlobal orta ömür uzunluğu 78,1 yaşa qədər artsa da, sağlam ömür uzunluğu cəmi 2,6 il artaraq 67,4 yaşa çatacaq.

Telegramda izləyin

instagramda izləyin