Bu ölkədə saqqız çeynəmək olmaz - Dünyada 10 qəribə QADAĞA

Dünya dövlətlərinin cəmiyyətdə asayişi qorumaq üçün müəyyən qadağaları var. Sosial nizamı təmin etmək üçün müəyyən edilmiş bəzi qaydalar universaldır, digərləri isə hər ölkədə dəyişir. Amma bəzi qadağalar onları eşidənləri təəccübləndirir.

Saqqız çeynəmə qadağasından tutmuş ketçup qadağasına qədər ölkələrin eşitmədiyi qaydalar...

Lent.az xarici mətbuata istinadla dünya ölkələrindəki 10 müxtəlif qadağanı təqdim edir:

1. Fransa

Fransada məktəb bufetlərində ketçup istehlakı qadağan edilib. Tələbələr həftədə bir dəfə kartof qızartması ilə ketçup istehlak edə bilərlər.

2. ABŞ: Vermont

Vermontda arvadlardan diş protezləri üçün ərlərindən yazılı kağız alması tələb olunur. Əks halda diş protezləri sifariş edə bilməzlər.

3. Çin

Çində boğulan şəxsi xilas etməyə çalışmaq taleyə müdaxilə hesab edildiyi üçün qadağandır.

4. Birləşmiş Krallıq

İngiltərədə küçədə xalçaları silkələmək və çırpmaq qadağandır. Ancaq səhər saat 8-dən əvvəl süpürgəni silkələyə bilərsiniz.

5. Yunanıstan

Yunanıstanın tarixi ərazilərində dikdaban ayaqqabı geyinmək qadağandır. Dünyanın bir çox muzeyində qüvvədə olan bu qadağa Yunanıstanın tarixi bölgələrində də tətbiq edilir.

6. İsveçrə

İsveçrə heyvanların hüquqlarının qorunmasında ən həssas ölkələrdən biridir. O həddə çatıb ki, ölkədə hürən itə qışqırmaq belə qanunsuzdur.

7. Sinqapur

Sinqapurda saqqız çeynəmək olmaz. Sinqapur "təmiz və yaşıl" şəhər imicini qorumaq və yerə atılan saqqızın öhdəsindən gələ bilmədiyi üçün saqqızı tamamilə qadağan etməyi seçib. Zibil atmaq və qraffiti çəkmək də qadağandır.

8. Rusiya

Əgər Rusiyada çirkli maşın sürsəniz, çox güman ki, cərimələnəcəksiniz. Ölkə müntəzəm təmizlənməyən avtomobillərə qarşı çox həssasdır.

9. Avstraliya

Əgər sehrbaz deyilsənsə, Avstraliyada dovşan saxlaya bilməzsən. İnvaziv növ hesab edilən dovşanlara Avstraliyanın yalnız Queenslan və ətraf ərazilərində rast gəlinir.

10. İtaliya: Milan

Milanda ictimai yerlərdə sifət sallamaq qadağandır. Yalnız xəstəxana işçiləri və dəfn mərasimləri qüvvədə olan qanundan azaddırlar.

Telegramda izləyin