Kamerun təhlükəsizlik təhdidləri səbəbindən silah alışını üç dəfədən çox artırıb

Kamerun ölkənin təhlükəsizliyinə artan təhdidlər səbəbindən silah alışını üç dəfədən çox artırıb.

"Report" xəbər verir ki, bu barədə "Ecofin" agentliyi məlumat yayıb.

İlk növbədə, təhdidlərə ölkənin ingilisdilli qərbində separatçı qrupların fəaliyyəti və qonşu Nigeriyadan şimalda Boko Haram terrorçularının işğalı daxildir.

2023-cü ildə Kamerun silah, sursat və köməkçi avadanlıqların idxalına 5,5 milyard Afrika frankı (900 milyon dollardan çox) xərcləyib, əvvəlki analoji dövrdə bu rəqəm 1,7 milyard Afrika frankı (300 milyon dollardan az) olub.

Eyni zamanda, ölkə bu sahədə idxal xərclərini azaltmaq üçün milli müdafiə sənayesini inkişaf etdirmək vəzifəsini qoyur. Prezident yanında müdafiəyə cavabdeh katib Cozef Beti-Asomo parlamentdə çıxış edərək bu yaxınlarda ölkənin şimalındakı Qarua şəhərində Türkiyə ilə sursat zavodu tikmək planlarını açıqlayıb.

Telegramda izləyin