"Ermənistan atəşkəsi pozmaqla, ölkə daxilindəki hadisələrin diqqətini yayındırmaq istəyir" - Politoloq

Xəbər verdiyimiz kimi, iyunun 12-si saat 10:05-dən 17:50-dək Ermənistan silahlı qüvvələrinin bölmələri Azərbaycan Ordusunun Naxçıvan Muxtar Respublikasının Şərur rayonunun Havuş, Ordubad rayonunun Nürgüt, Şahbuz rayonunun Güney Qışlaq yaşayış məntəqələri istiqamətlərində yerləşən mövqelərini bir neçə dəfə atıcı silahlardan atəşə tutub. Bu barədə Müdafiə Nazirliyi məlumat yayıb.Ordumuzun bölmələri tərəfindən qeyd olunan istiqamətlərdə cavab tədbirləri görülüb.

Mövzu ilə bağlı politoloq Tural İsmayılov Sonxeber.az-a açıqlama verib.
Politoloq bildirib ki, Ermənistan Azərbaycanın sülhlə bağlı çağırışlarından boyun qaçırmaq və vəziyyəti gərginləşdirmək üçün süni gündəmlər yaradır:

"Görünən odur ki, Ermənistan Azərbaycanın sülhlə bağlı çağırışlarından boyun qaçırmaq və vəziyyəti gərginləşdirmək üçün süni gündəmlər yaradır. Bir tərəfdən bu gün Ermənistanın hakimiyyətindən müəyyən rasianlar qüvvələr də fərqindədir ki, Ermənistan Azərbaycanın qalib tərəf kimi diqtə etdiyi şərtləri yerinə yetirməlidirlər. Buna görə də sülh müqaviləsi imzalayıb, Türkiyə ilə münasibətləri yaxşılaşdırıb, Ermənistan iqtisadiyyatının düşdüyü ağır vəziyyətdən xilas edə bilərlər. Digər tərəfdən isə ölkənin daxilində ictimai-siyasi xaos mühitinin artması, narazı elektratın güclənməsi və nəticədə bu gün Paşinyanı devirmək istəyən qüvvələrin səfərbər olması, Ermənistan hakimiyyətində daxili ictimai rəydə fikir çaşqınlığı yaratma ehtimalını gücləndirə bilər".

Tural İsmayılov Ermənistanın sülhlə bağlı beynəlxalq auditoriyada pozitiv mesajlar versə də, Naxçıvan istiqamətində yaşayış məntəqələri istiqamətlərində yerləşən mövqelərini bir neçə dəfə atıcı silahlardan atəşə tutmasının səbəbininə aydınlıq gətirib:

"Ona görə bu gün Ermənistan hakimiyyəti sülhlə bağlı beynəlxalq auditoriyada pozitiv mesajlar versə də, Naxçıvan istiqamətində atəşkəsi pozaraq, uzun müddət bu sahədə əldə olunmuş sakitliyi pozmağa çalışır. Hesab edirəm ki, bu gün Naxçıvan istiqamətində Ermənistanın təxribat törətməsi, daha çox ölkə daxilindəki hadisələri diqqətini yayındırmaq məqsədi daşıyır. Bu Ermənistanın bütün siyasi hakimiyyətlərinin ənənəvi olaraq nə qədər ikiüzlü və qeyrisəmimi olduqlarını növbəti dəfə sübut edir".

Telegramda izləyin